وسكەمەن قالاسى پب ەرتىس پب-نىڭ 102 جەدەل ارناسىنا جشس اكىمشىسىنەن حابارلاما كەلىپ تۇسكەن. ول تۇنگى ۋاقىتتا بەيتانىس جىگىت قالانىڭ لوتەرەيا كلۋبتارىنىڭ بىرىندە كاسسادان 1,4 ملن تەڭگە كولەمىندە اقشا قاراجاتىن اشىق ۇرلاپ كەتكەنىن ايتقان.
«پاترۋلدىك پوليتسيا باتالونى مەن ەرتىس پوليتسيا ءبولىمىنىڭ جەدەل-تەرگەۋ توبى قىزمەتكەرلەرىنىڭ جەدەل ارەكەت ەتۋلەرىنە بايلانىستى كۇدىكتى ۇستالدى. ول ۇلان اۋدانىنىڭ 25 جاستاعى تۇرعىنى بولىپ شىقتى. جاۋاپ الۋ كەزىندە ەر ادام وسى ارەكەتىن مويىنداعان. ءتارتىپ ساقشىلارى ۇرلانعان اقشانى تاركىلەي الدى. الايدا تولىق كولەمدە ەمەس. اتالعان فاكتى بويىنشا قر قك-ءنىڭ 191-بابى 1-بولىگىمەن (توناۋ) سوتقا دەيىنگى تەرگەۋ جۇرگىزىلۋدە. كۇدىكتىگە قاتىستى كەلۋگە مىندەتتەۋ تۇرىندەگى پروتسەستىك ماجبۇرلەۋ شاراسى تاڭدالدى. كىناسىن مويىنداعان جاعدايدا شىعىسقازاقستاندىققا 4 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن», دەلىنگەن ءىىم رەسمي سايتىندا.
