پرەزيدەنت • 16 قاراشا، 2022

الماتىدا تۇيتكىلدى ماسەلە كوپ

44 رەت كورسەتىلدى

بۇل تۋرالى مەملەكەت باسشىسى الماتى قالاسىنىڭ جۇرتشىلىعىمەن كەزدەسۋىندە ايتتى، دەپ جازادى Egemen.kz.

«الماتىنىڭ بىرەگەي ورنالاسقان جەرى تاۋ ءتۋريزمىن دامىتۋعا اسا قولايلى. بىراق، تاۋ ءتۋريزمى كلاستەرىن بۇكىل الماتى اگلومەراتسياسى شەڭبەرىندە قالىپتاستىرۋ قاجەت. مەنىڭ ويىمشا، تۇرگەن مەن قاسكەلەڭ اراسىنداعى تاۋ كلاستەرىنىڭ شىعىس جانە باتىس بولىكتەرىن وسى جەرلەردىڭ اكىمشىلىك مارتەبەسىنە قاراماستان، كەشەندى تۇردە دامىتۋ كەرەك»، دەدى پرەزيدەنت. 

قاسىم-جومارت توقاەۆتىڭ الماتىداعى كوممۋنالدىق جۇيەنىڭ جۇمىسى دا كوڭىل كونشىتپەيتىنىن اتاپ ءوتتى.

«الماتىنىڭ تاريحي ورتالىعى – ءومىر ءسۇرۋ ءۇشىن اسا قولايلى جەر. قاجەتتى نارسەنىڭ ءبارى جاقىن جەردە ورنالاسقان. الايدا، ورتالىقتىڭ وزىنە ءتان تۇيتكىلدەرى بار. اتاپ ايتقاندا، كوممۋنالدىق جۇيە توزىپ بارادى. عيماراتتار ءبىر-بىرىنە وتە تىعىز ورنالاسقان. جولداردا كەپتەلىس كوپ.سونداي-اق، شەتكەرى اۋدانداردىڭ دامۋى تىم كەنجە قالىپ وتىر. الەۋمەتتىك نىساندار جەتىسپەيدى. جۇرت سەرۋەنگە باراتىن ساياباقتار تاپشى. نەگىزىنەن جەر ۇيلەر كوپ سالىنعان. ءتىپتى، قىس ايلارىندا قارا ءتۇتىن قاپتايدى»، دەدى مەملەكەت باسشىسى.

ق.توقاەۆ الماتىدا ازاماتتاردىڭ دەمالىسىن پايدالى وتكىزەتىن قوعامدىق ورىندار از. كولىك جانە ينجەنەرلىك ينفراقۇرىلىم دا جەتكىلىكسىز ەكەنىن ايتىپ، اكىمدىككە ەسكەرتۋ ايتتى.

«اكىمدىكتىڭ باستى مىندەتىنىڭ ءبىرى – ورتالىق پەن شەتتەگى اۋدانداردىڭ اراسىندا پايدا بولعان وسى تەڭسىزدىكتى جويۋ. قالا – بارىنە ورتاق. سوندىقتان، قالانىڭ يگىلىكتەرى دە بارلىق تۇرعىندارعا بىردەي قولجەتىمدى بولۋعا ءتيىس»، دەدى پرەزيدەنت. 

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار