قازاقستان مەن جاپونيا قۇرامالارى بۇعان دەيىن ءبىر-بىرىمەن ءتورت رەت كەزدەسىپ, تورتەۋىندە دە كۇنشىعىس ەلى وكىلدەرىنىڭ مەرەيى ۇستەم بولعان ەدى. دۇيسەنبىدە وتكەن ەكى ەل اراسىنداعى بەسىنشى ماتچتا دا جاپونيا قۇراماسى جەرلەستەرىمىزدەن ايلاسىن اسىرىپ كەتتى. ءبىرىنشى كەزەڭدە قازاقستان باسكەتبولشىلارى قارسىلاستارىنا ازداعان باسىمدىقپەن جول بەرسە (14:16), ەكىنشى ون مينۋتتىقتا باقانداي 16 ۇپايعا قالىپ قويدى.
ال ءۇشىنشى جانە ءتورتىنشى كەزەڭدەردە قازاقستان قۇراماسى ۇپاي ولجالاۋدى قويدى. وتانداستارىمىز ءۇشىنشى كەزەڭدە 27 ۇپاي ايىرماشىلىعىمەن جەڭىلسە, سوڭعى شيرەكتە جاپونيا باسىمدىعىن 30 ۇپايعا دەيىن ارتتىردى. قورىتىندى ەسەپ – 81:61. قازاقستان قۇراماسى بۇل جەڭىلىستەن كەيىن F توبىنىڭ تۋرنير كەستەسىندە 5-ورىنعا ءتۇسىپ قالدى.
