«ساياسي پارتيالارعا, مۇمكىندىگى شەكتەۋلى جاندارعا, جاستارعا, باق وكىلدەرىنە وقىتۋ سەمينارلارىن وتكىزدىك. ورتالىق سايلاۋ كوميسسياسى سايلاۋدى قازاقستاننان تىس جەرلەردە وتكىزۋدى قامتاماسىز ەتەتىن بارلىق 68 ۋچاسكەلىك سايلاۋ كوميسسياسىنىڭ مۇشەلەرى ءۇشىن وقىتۋ سەمينارىن وتكىزۋدە», دەدى نۇرلان ءابدىروۆ شەتەلدىك ديپلوماتيالىق وكىلدەر ءۇشىن وتكەن بريفينگتە.
سونداي-اق ول قىركۇيەك ايىندا جاستاردىڭ نازارىن سايلاۋ ۇدەرىسىنىڭ وزەكتى ماسەلەلەرىنە اۋدارۋ, ولاردىڭ ەلەكتورالدىق بەلسەندىلىگى مەن قۇقىقتىق مادەنيەتىن ارتتىرۋ ماقساتىندا ورتالىق سايلاۋ كوميسسياسىنىڭ جانىنان «جاس سايلاۋشىلار كلۋبى» قۇرىلعانىن ايتتى.
سپيكەردىڭ ايتۋىنشا, وسك مۇمكىندىگى شەكتەۋلى جانداردىڭ داۋىس بەرۋى ءۇشىن قاجەتتى جاعداي جاساۋعا ەرەكشە كوڭىل بولەدى. اتاپ ايتقاندا, جەرگىلىكتى كوميسسيالارعا ينۆاتاكسي, سۋردواۋدارما, تاكتيلدى جولدار جانە برايل ترافارەتىمەن قامتاماسىز ەتۋ بويىنشا ءتيىستى تاپسىرمالار بەرىلدى.
«ورتالىق سايلاۋ كوميسسياسىنىڭ جانىنان مۇگەدەكتەردىڭ سايلاۋ قۇقىقتارىن قامتاماسىز ەتۋ جونىندەگى جۇمىس توبى قۇرىلدى, ول بەلسەندى جۇمىس ىستەيدى. ونىڭ قۇرامىنا مۇمكىندىگى شەكتەۋلى ازاماتتاردىڭ قۇقىقتارىن قورعاۋ جونىندەگى بەدەلدى رەسپۋبليكالىق جانە وڭىرلىك بىرلەستىكتەر كىرەتىندەي ەتىپ كەڭەيتىلدى», دەپ قوستى ن. ءابدىروۆ.
