ادىلەت ءمينيسترى تۇڭعىش پرەزيدەنتتىڭ ەرەكشە مارتەبەسى تۋرالى بارلىق ەسكەرتۋلەر كونستيتۋتسيادان الىنىپ تاستالعانىن ەسكە سالدى.
«تيىسىنشە, قازىر وتاندىق زاڭنامانى كونستيتۋتسياعا سايكەس كەلتىرۋ جۇمىستارى جۇرگىزىلۋدە», دەدى قانات مۋسين.
بۇل رەتتە, مينيستر زاڭ ناقتى قاشان كۇشىن جوياتىنىن ايتقان جوق.
«زاڭ, ارينە, كونستيتۋتسياعا سايكەس كەلتىرىلەدى. «تۇڭعىش پرەزيدەنت تۋرالى» زاڭنىڭ كۇشىن جويۋ تۋرالى شەشىم قابىلدانادى. جۇمىس جوسپارلى تۇردە جۇرگىزىلۋدە. ازىرگە مەرزىمدەر جوق, بىراق زاڭ شىعارۋ باستاماسى تەك ۇكىمەتكە عانا ەمەس, ول پرەزيدەنت پەن پارلامەنت دەپۋتاتتارىنا دا تيەسىلى», دەپ قوستى قانات مۋسين.
ول اتالعان زاڭنىن كۇشىن جويۋ تۋرالى شەشىم دەپۋتاتتاردىڭ باستاماسى بويىنشا دا قابىلدانۋى مۇمكىن ەكەنىن ءتۇسىندىردى. بىراق بۇگىنگى كۇنگە دەيىن پارلامەنتتەن مۇنداي زاڭ جوباسى تۇسكەن جوق.
