باقىتگۇل حامەنوۆا پارا العانى ءۇشىن كىنالى دەپ تانىلىپ, 7 جىلعا باس بوستاندىعىنان ايىرىلدى. بىراق اسىراۋىندا بالانىڭ بولۋىنا بايلانىستى جازانى وتەۋ 3 جىلعا كەيىنگە قالدىرىلدى.
ەسكە سالا كەتسەك, كەشە باقىتگۇل حامەنوۆا سوت الدىندا سوڭعى ءسوزىن سويلەپ, كىناسىن مويىنداۋدان باس تارتتى.
2021 جىلدىڭ 11 جەلتوقسانىندا اتىراۋ وبلىسى اكىمىنىڭ ورىنباسارى باقىتگۇل حامەنوۆانىڭ ۇستالعانى بەلگىلى بولدى.
2021 جىلدىڭ 12 جەلتوقسانىندا حامەنوۆا ءۇي قاماعىنا الىندى. سوت ونىڭ «جالعىزباستى ايەل» ەكەنىن, ەكى بالانى تاربيەلەپ وتىرعانىن, ولاردىڭ ءبىرى بالا كەزىنەن مۇگەدەك ەكەنىن, اسىراۋىندا قارت اناسى بارىن, بۇرىن سوتتالماعانىن, مەملەكەتتىك ورگانداردان جاسىرىنباعانىن ەسكەردى.
2021 جىلدىڭ 23 جەلتوقسانىندا حامەنوۆا تەرگەۋ يزولياتورىنا اۋىستىرىلدى.
