جەرگىلىكتى دەنساۋلىق ساقتاۋ كوميتەتىنىڭ مالىمەتىنشە, سوڭعى كۇندەرى وڭتۇستىك گۋاندۋن پروۆينتسياسىندا (5,6 مىڭنان استام), چۋنتسين قالاسىندا (2,9 مىڭنان استام), حەنان پروۆينتسياسىندا (2,2 مىڭنان استام), ۇيعىر اۆتونوميالىق وكرۋگى (800-گە جۋىق جاعداي) جانە شىڭجاڭدا ينفەكتسيانىڭ ايتارلىقتاي ءوسۋى بايقالدى.
بەيجىڭدە كوروناۆيرۋس جۇقتىرۋ قاۋپى جوعارى 240-تان استام تۇرعىن ءۇي اۋدانى بار. سوڭعى تاۋلىكتە قىتاي استاناسىندا COVID-19 ينفەكتسياسىنىڭ 450-دەن استام جاعدايى انىقتالدى. شەتەلدىك ەلشىلىكتەر, حالىقارالىق ۇيىمداردىڭ وكىلدىكتەرى مەن ءىرى كورپوراتسيالار ورنالاسقان استانانىڭ چاويان اۋدانىندا ەرەكشە كۇردەلى ەپيدەميولوگيالىق جاعداي قالىپتاسىپ وتىر.
بەيجىڭ مۋنيتسيپالدى بيلىگى قىتاي استاناسىنىڭ تۇرعىندارىن كوپ سەرۋەندەمەۋگە, ەپيدەميولوگيالىق قاۋىپتى ايماقتارعا جانە بانكەتتەر مەن ادامدار كوپ جينالاتىن ورىندارعا بارماۋعا شاقىرادى.
بيىلعى جىلدىڭ قازان ايىنىڭ سوڭىنان باستاپ قىتايدىڭ بارلىق دەرلىك ايماقتارىندا كوروناۆيرۋستىڭ تارالۋىنىڭ ۇدەۋى مەن ۇلعايۋى تىركەلدى.
