«قازاقستان جان باسىنا شاققاندا, بالىقتى از تۇتىناتىن ەل ەكەنىن اتاپ وتكەن ءجون. دۇنيەجۇزىلىك دەنساۋلىق ساقتاۋ ۇيىمى ءبىر ادامعا جىلىنا كەمىندە 16 كەلى بالىق ونىمدەرىن تۇتىنۋدى ۇسىنادى. قازاقستاندا بۇل كورسەتكىش 4 كەلىدەن از», دەدى مينيستر.
ەكونوميكالىق زەرتتەۋلەر ينستيتۋتىنىڭ دەرەگىنە سۇيەنسەك, كورشى رەسەيدە ءبىر جىلدا ءبىر ادام 23 كەلى, ال قىتايدا 43 كەلى بالىق ونىمدەرىن تۇتىنادى. ءمينيستردىڭ ايتۋىنشا, بالىق ەكسپورتتاۋعا بولاتىن ەڭ ءىرى نارىق قازاقستانعا جاقىن ورنالاسقان.
سونداي-اق ۆەدومستۆو باسشىسى 2025 جىلدان باستاپ بالىق ونىمدەرىن وتكىزۋدە قيىندىقتار بولۋى مۇمكىن ەكەنىن دە ايتتى.
«بالىق ونىمدەرىن وتكىزۋ ماسەلەسىن زاڭنامالىق دەڭگەيدە شەشۋ ءۇشىن ءبىلىم, دەنساۋلىق جۇيەسىندەگى مەملەكەتتىك ۇيىمدارىندا, ىشكى ىستەر, قارۋلى كۇشتەر, قىلمىستىق-اتقارۋ جۇيەسى ورگاندارىندا بالىقتى تاماقتانۋ راتسيونىنا ەنگىزۋدى جانە وتاندىق وندىرۋشىلەردەن بالىق ونىمدەرىنىڭ كەپىلدىك بەرىلگەن كولەمىن باسىم تارتىپپەن ساتىپ الۋدى مىندەتتەۋ ۇسىنىلادى», دەدى سەرىكقالي برەكەشەۆ.
