«مەتاللۋرگ ارەنادا» وتكەن كەزدەسۋ جەرلەستەرىمىز ءۇشىن ءساتتى باستالعانداي ەدى. العاشقى كەزەڭدە ەسەپ اشىلماعانىمەن, ەكىنشى كەزەڭنىڭ العاشقى 10 مينۋتىندا جەرلەستەرىمىز ەكى شايبا سوعىپ, ەسەپتە العا شىعىپ الدى. 23-مينۋتتا نەلسون نوجە مەرگەندىگىمەن كوزگە تۇسە, 28-مينۋتتا دجەرەمي براككو نىسانانى ءدال كوزدەدى. ايتكەنمەن, قازاقستاندىق جانكۇيەرلەردىڭ قۋانىشى ۇزاققا سوزىلعان جوق. مۇزايدىن يەلەرى اينالدىرعان 4 مينۋتتىڭ ىشىندە جىلدام شايبالار سوعىپ, تارازى باسىن تەڭەستىرىپ كەتتى. الدىمەن «بارىستىڭ» ەكس-ويىنشىسى پاۆەل اكولزين (31-مينۋت) ەسەپ ايىرماسىن قىسقارتسا, كەيىننەن فيليپپ مايە (35) كومانداسىنىڭ ەكىنشى شايباسىن سوقتى. ال بۋلليت سەرياسىندا «مەتاللۋرگ» كومانداسىنىڭ باعى جاندى – 3:2.
