بۇدان بولەك تاراپتار تۇقىم شارۋاشىلىعىندا بىرلەسىپ زەرتتەۋ جۇمىستارىن جۇرگىزۋگە, سونداي-اق قازاقستاندىق ماماندار مەن شارۋالاردى تۇركيا رەسپۋبليكاسىندا وقىتۋعا ۋاعدالاستى.
تۇركيا قازاقستاندىق تۇقىم وندىرۋشىلەرمەن جۇمىس ىستەۋگە نيەتتى. بۇل باعىتتا كەلىسسوز جۇرگىزۋ ءۇشىن قۇرامىندا 41 تۇرىك كومپانياسىنىڭ وكىلى بار دەلەگاتسيا قازاقستانعا كەلدى.
جۇمىس ساپارى اياسىندا تۇرىك دەلەگاتسياسى شىمكەنتتەگى جەمىس-جيدەك وسىرەتىن «الەكساندر باعىنا» باردى. كاسىپورىننىڭ 200 گەكتارىنىڭ 15-ىنە تۇركيادان اكەلىنگەن «گولدەن دەليشەس», «دجەرومي», «فۋدجي», «گالا», «گرەني سميت» الما اعاشىنىڭ بۇتالارى وتىرعىزىلدى.
