قاسىم-جومارت توقاەۆ تۇركى ەلدەرىنىڭ ءىت-سالاسىنداعى قارىم-قاتىناسىن جانداندىرۋ ءجون ەكەنىن اتاپ ءوتتى.
«سوڭعى كەزدە گەوساياسي احۋالعا بايلانىستى مەملەكەتتەر ءبىر-بىرىنەن تەحنولوگيالىق تۇرعىدان وقشاۋلانىپ جاتىر. تۇركى ەلدەرىنىڭ IT-سالاسىنا قاتىستى تىڭ تاسىلدەر ازىرلەۋى ايرىقشا ماڭىزدى. بۇل ءبىزدىڭ تسيفرلىق دامۋىمىزعا جول اشادى» دەدى مەملەكەت باسشىسى.
سونداي-اق استانادا وتكەن «Digital Bridge» حالىقارالىق ءىس-شاراسى تۋرالى دا ايتىپ ءوتتى.
«وندا ءىت-سالاسىندا جۇمىس ىستەيتىن كرەاتيۆتى جاستارىمىز باس قوسىپ, وزىق يدەيالارىن ۇسىندى. سونداي-اق, مەملەكەتتەرىمىزدىڭ IT-حابتارى اراسىنداعى ءوزارا ءىس-قيمىل تۋرالى مەموراندۋمعا قول قويىلدى» دەدى قاسىم-جومارت توقاەۆ.
سونداي-اق مەملەكەت باسشىسى استانا حاب حالىقارالىق تەحنوپاركى نەگىزىندە تۇركى مەملەكەتتەرى ۇيىمىنىڭ تسيفرلاندىرۋ ورتالىعىن قۇرۋدى ۇسىندى.
«بۇل قۇرىلىم ساۋدا, كولىك, سۋ رەسۋرستارى, اقپاراتتىق قاۋىپسىزدىك جانە باسقا دا سالالارعا قاجەتتى تسيفرلىق شەشىمدەر ازىرلەۋگە مۇمكىندىك بەرەدى» دەدى پرەزيدەنت.
بۇل ءۇشىن تۇركى ەلدەرىنىڭ ۆەنچۋرلىق قورىن قۇرىپ, سول ارقىلى ماڭىزدى ستارت-اپ جوبالارعا ينۆەستيتسيا تارتۋعا مۇمكىندىك بولاتىنى ايتىلدى.
