ۇكىمەت باسشىسىنىڭ ايتۋىنشا, ەتنيكالىق قازاقتارعا, كامەلەتكە تولماعاندارعا, جاقىن تۋىستارى قازاقستاندا تۇراتىن شەتەلدىكتەرگە, جۇبايى قازاق نەمەسە شەتەلدە تۇراتىن قازاقتارعا, قازاقستان الدىندا ەرەكشە ەڭبەگى ەلەنگەن ازاماتتارعا قازاق ءتىلىن ءبىلۋ تالاپ ەتىلمەيدى.
قالعانداردىڭ بارلىعى قازاقستان ازاماتى بولۋ ءۇشىن قازاق ءتىلىن ءبىلۋى كەرەك. سمايىلوۆتىڭ ايتۋىنشا, بۇل ازاماتتىق العان ادامداردىڭ قوعامعا تەز بەيىمدەلۋىنە مۇمكىندىك بەرەدى.
«سوندىقتان مۇنداي ەمتيحان تاپسىرۋ كەرەك دەپ ەسەپتەيمىز. بۇل نورمالار قازىر ۇكىمەتپەن كەلىسۋ ساتىسىندا. جاقىن ارادا زاڭ جوباسى پارلامەنتكە جولدانادى. جالپى ءبىز بۇل نورمالاردى قولدايمىز جانە ولاردى زاڭناماعا ەنگىزۋ قاجەت دەپ ەسەپتەيمىز. مۇنداي جوبا حالىقارالىق تاجىريبەدە بار. كوپتەگەن ەلدەردە ازاماتتىق الۋ ءۇشىن مەملەكەتتىك ءتىل مەن تاريحتى ءبىلۋ, سونداي-اق ءتيىستى ەمتيحان تاپسىرۋ قاجەت. مىسالى, گەرمانيادا, تۇركيادا, كانادادا, رەسەي فەدەراتسياسىندا وسىنداي تالاپتار بار. سونداي-اق قىلمىس جاساعان ادامدار ازاماتتىق الۋعا ءوتىنىش بەرە المايتىنىن اتاپ وتكىم كەلەدى», دەدى پرەمەر-مينيستر سەنات وتىرىسىندا.
