ەكىباستۇز قالاسىندا شتاب مۇشەلەرى الەمدەگى ەڭ ۇلكەن «بوگاتىر» اشىق كومىر كەنىشىنىڭ ەڭبەك ۇجىمىمەن كەزدەسىپ, كەنشىلەرگە كانديداتتىڭ باعدارلاماسىنداعى جۇمىسشىلاردىڭ قۇقىقتارىن قورعاۋ جانە وندىرىستەگى قاۋىپسىزدىكتى ارتتىرۋعا قاتىستى باسىمدىقتارى تۋرالى ايتىپ بەردى.
«ازاماتتاردىڭ ادال ءونىمدى ەڭبەگى قۇرمەتتەلۋى, قورعالۋى جانە وعان لايىقتى ەڭبەكاقى تولەنۋى ماڭىزدى. قىزمەتكەرلەردىڭ مانساپتىق بولاشاعى مەن تابىسى ولاردىڭ كاسىبيلىگىنە, جاۋاپكەرشىلىگى مەن ابجىلدىگىنە بايلانىستى بولۋى كەرەك. جاستاردى ەڭبەكقورلىققا باۋلىعان ءجون», دەدى رەسپۋبليكالىق قوعامدىق شتاب دەلەگاتسياسىنىڭ باسشىسى اسحات ورالوۆ.
پاۆلودار قالاسىندا قاسىم-جومارت توقاەۆتىڭ جاقتاستارى ترامۆاي باسقارماسى مەن ەلەكتروليز زاۋىتىنىڭ ۇجىمدارىمەن كەزدەسۋ وتكىزدى. جۇزدەسۋ بارىسىندا كانديداتتىڭ سايلاۋالدى باعدارلاماسىنداعى جاڭا وڭىرلىك ساياساتقا ارنالعان ءبولىمى تالقىلاندى. بۇدان سوڭ دوستىق ۇيىندە شتاب مۇشەلەرى ءوڭىر جۇرتشىلىعىمەن سايلاۋالدى باعدارلامانىڭ نەگىزگى باعىتتارىن تالقىلادى. جاستار بەلسەندىلەرىمەن كەزدەسۋدە جاستار ساياساتىنداعى باستامالار ءسوز بولدى.
