ازاعانىڭ ايگىلى ءشىلاپىسى

ءازىلحان نۇرشايىقوۆ سو­عىس­تان كەيىنگى جىلدارى كازگۋ-ءدى اياقتاعان سوڭ «قازاقستان پيو­نەرى» جانە «سوتسياليستىك قازاق­ستان» گازەتتەرىندە جۇ­مىس ىستەگەنى ءمالىم. حالىق شا­رۋا­­شى­لىعىن قاي­تا قالپىنا كەل­تىرۋدىڭ اۋىرتپالىعى مول كە­زەڭدە دە ءوز ورتاسىنا وراي ءسان­دى كيىنۋ سول زاماننىڭ ينتەلليگەنتسيا وكىل­دەرىنە بۇلجىماس زاڭدىلىق ەدى. قارا ءتۇستى كوستيۋم-شالبار، اق كويلەك، باسىنا ءشىلاپى كيۋ زيالى ادام ەكەنىن تانىتىپ تۇراتىن.

وبلىستىق بۇقار جىراۋ اتىن­داعى ادەبيەت جانە ونەر مۋزەيىنە جۋىقتا الماتىدان ازاعا­نىڭ زاتتارى اكەلىندى. قا­لام­گەر ومىردەن وتەر الدىن­دا كيگەن كوستيۋم-شالبارى، كوي­لەگى، ايگىلى قالپاعى مەن قا­لام­سابىن، سيرەك كىتاپتارىن قىزى جانار نۇرشايىقوۆا مۋزەي قىز­مەتكەرلەرىنە ارنايى تا­بىس­تاعان. مەكەمەدەگى نەگىزگى قور ءبولىمىنىڭ باسشىسى مەيرامعالي ەسمۇقانوۆ بۇل جادىگەرلەر جازۋ­شىنىڭ مەرەيتويىندا كەرەكۋ جۇرتشىلىعى ءۇشىن ۇلكەن سىي بولعانىن ايتادى.

جانار اپايمەن تەلەفون ارقى­لى تىلدەسكەنى­مىزدە قالام­گەر با­سىنان تاستاماعان ءشىلاپىنىڭ بىر­نەشەۋى بولعانىن بىلدىك.

– ەلۋىنشى جىلداردىڭ باسىن­دا ءبىزدىڭ وتباسىمىز پاۆلو­دار­­عا كوشىپ باردى. اكەمىز وبلىس­تىق «قىزىل تۋ» گازەتىنە رەداك­تورلىق ەتىپ، با­سى­لىم­دى دا­مىتۋعا كوپ ەڭبەك ءسىڭىردى. سوندا بايقايتىنىمىز، جەرگىلىكتى ينتەلليگەنتتەر اراسىندا ءشىلاپى كيگەن اعالار از بولاتىن. اكەمىز سۋ جاڭا كوستيۋم-شالبار، سالقىن كۇنى باسىنا قارا ءشىلاپىسىن كيگەندە ەلدەن ەرەكشەلەنىپ تۇرۋشى ەدى. باسكيىمدى انامىز دۇكەننەن ارنايى ساتىپ اپەرگەن. ول كەزدە ەر ادامدارعا ارنالعان ءساندى كيىم شىقسا، انامىز جۇرتتىڭ الدى بولىپ بارىپ، اكەمە ساتىپ الۋعا تىرىساتىن. ەرىنىڭ ءۇستى-باسى مۇنتازداي تازا بولۋىن، قالتاسىنداعى بەت ورامالىنىڭ كۇن سايىن اۋىستىرىلىپ تۇرۋىن قاداعالايتىن. انام ومىردەن ءوتىپ بارا جاتقاندا دا اكەمە جانە بىزگە تازالىقتى ۇلگى ەتىپ كەتتى. كەيىن كەلىنى سۆەتا اتاسىنىڭ كۇتىمىنە جاۋاپ بەردى. وعان دەگەن العىسىمىز دا شەكسىز. اكەمىز ومىردەن وت­كەنشە كيىمىنىڭ وڭىرىنە قىل­شىق تۇرمايتىن. رەسپۋبليكالىق تەلەارنالار سۇحباتقا شاقىر­عان­دا اكەمىز ەفيرگە جارقىراپ شىعا كەلەتىن، بەت-ءجۇزى ادەمى بولىپ كورىنىپ وتى­راتىن، – دەپ ەسكە الدى جانار اپاي.

اتاپ وتەرلىگى، جازۋشى-جۋرناليست پاۆلودار وبلىستىق «قى­­زىل تۋ» (قازىرگى «سارىارقا سا­مالى») گازەتىن 1953-56 جىلدار ارالىعىندا باسقاردى. با­سى­لىم تارالىمىن كوبەيتۋ ءۇشىن گازەت­تە مۇحتار اۋەزوۆ، ءسا­بيت مۇقا­نوۆ سەكىلدى ايگىلى قا­لام­گەرلەر­دىڭ تۋىندىلارىنان ۇزىندىلەر بەرىپ، رۋحانياتقا سۋساپ جۇرگەن وقىرماننىڭ ءشولىن قاندىردى. سول ۋاقىتتا وڭىرلىك باسىلىم­نىڭ تارالىمى ءوسىپ، ابىروي-بە­دەلى قالىپتاستى. ازاعانىڭ وسى ۋاقىتتا شىعار­ماشىلىق تۇرعىدان تولىسىپ، كوركەم دۇنيەلەردى قولعا الا باستاعان ۋاقىتى دا بولعان ەكەن. حالىق جازۋشىسى بۇل تۋرالى: «پاۆلودار مەنى ادەبيەت اسپانىنا كوتەرگەن كوسمودرومىم بولدى»، دەپ جازىپ كەتكەن.

پاۆلودار