بيىلعى جىلدىڭ 20 قاراشاسىنان باستاپ تۇرىك اۋە كومپانياسى الماتى-انكارا باعىتى بويىنشا اپتاسىنا ەكى رەيس جيىلىگىمەن سەيسەنبى جانە جەكسەنبى كۇندەرى ا-320 جانە بوينگ 737 ءتيپتى اۋە كەمەلەرىندە تۇراقتى جولاۋشىلار رەيسىن ورىنداۋدى جوسپارلاپ وتىر.
سونىمەن قاتار وسى جىلدىڭ 5 جەلتوقسانىنان باستاپ اۋە كومپانياسى ا-320 جانە بوينگ 737 ۇشاقتارىمەن دۇيسەنبى جانە سارسەنبى كۇندەرى استانا مەن انكارا اراسىندا اپتاسىنا ەكى رەيس جيىلىگىمەن ۇشاتىن رەيستەردى جوسپارلاپ وتىر.
«رەيستەردىڭ ۇلعايۋى جانە ۇشۋ گەوگرافياسىنىڭ كەڭەيۋى قازاقستان مەن تۇركيا اراسىنداعى ساۋدا-ەكونوميكالىق, ىسكەرلىك, ينۆەستيتسيالىق جانە تۋريستىك ىنتىماقتاستىقتى ودان ءارى دامىتۋعا ىقپال ەتەدى», دەپ حابارلادى يدم ءباسپاسوز قىزمەتى.
1 قاراشادا Pegasus Airlines تۇرىك اۋە كومپانياسى الماتى مەن انكارا اراسىندا رەيس اشتى. قالالار اراسىنداعى تۇراقتى رەيستەر اپتاسىنا ەكى رەت, سارسەنبى جانە سەنبى كۇندەرى, A-320 جانە B 737 ۇشاقتارىندا جۇزەگە اسىرىلادى.
