«بۇل زاڭمەن رەتتەلۋى كەرەك. ءبىز زاڭ بويىنشا جۇمىس ىستەيمىز. كەز-كەلگەن مەملەكەتتە ۇلتتىق قاۋىپسىزدىكتى قورعاۋ تالاپتارى بار جانە مەملەكەت كەيبىر اقپاراتتى قۇپيالاندىرۋعا قۇقىلى», دەدى ءابدىراشيت جۇكەنوۆ ءماجىلىس اياسىندا جۋرناليستەردىڭ سۇراقتارىنا جاۋاپ بەرە وتىرىپ.
سونىمەن قاتار, ول بۇل ءىس بويىنشا قوسىمشا اقپارات بەرىلەتىنىن ايتتى.
بۇعان دەيىن باس پروكۋراتۋرا ۇلتتىق قاۋىپسىزدىك كوميتەتىنىڭ بۇرىنعى باسشىلىعىنا قاتىستى قىلمىستىق ءىستى زەردەلەۋ ناتيجەلەرى بويىنشا تەرگەۋ ورگانىنىڭ ايىپتاۋ اكتىسىن بەكىتكەنى تۋرالى حابارلانعان ەدى. قىلمىستىق ءىس استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا جولداندى.
