OLX ونلاين-حابارلاندىرۋ سەرۆيسىنىڭ تالداۋشىلارى سەرۆيس دەرەكتەرىنە سۇيەنە وتىرىپ, قازاقستانداعى اۆتوقىزمەت نارىعىنا ساراپتاما جاسادى. ۇسىنىستار نارىعىندا دا, ىزدەۋ سۇرانىستارىنىڭ سانى بويىنشا دا اۆتوموبيل قىزمەتتەرىنىڭ ەڭ تانىمال ءتۇرى ەۆاكۋاتور قىزمەتى بولعان.
سونداي-اق ءاۆتوموبيلدىڭ دوڭگەلەگىن اۋىستىرۋ باعاسى دا ءبىرشاما وسكەن, دەرەكتەر بويىنشا 12%-عا كوتەرىلسە, جاڭا دوڭعالاقتاردىڭ ءوز باعاسى 25% قىمباتتاعان.
وسىلايشا, جازدىق شينالاردى قىستىق تۇرىنە اۋىستىرۋ قۇنى ورتاشا ەسەپپەن 4 000 تەڭگەنى قۇراعان. بۇل قىزمەت ءتۇرى استانا, الماتى جانە شىمكەنتتە – تيىسىنشە 6 000, 5 500 جانە 5 000 تەڭگە بولسا, ەڭ ارزانى قىزىلوردا مەن تاراز قالاسىندا ەكەن, قىزمەتتىڭ ورتاشا قۇنى 2 500 تەڭگەنى قۇراعان.
اۆتودوڭعالاقتار تۋرالى ايتساق, سۇرانىس كوبىندە الماتى, استانا, قاراعاندى قالالارىندا باسىم بولعان. باعالارى بويىنشا, پايدالانۋدا بولعان اۆتوشينالاردىڭ ورتاشا قۇنى 45 000 تەڭگە, ال جاڭا ءتۇرى 80 000 تەڭگە. ەڭ قىمبات شينالار استانا قالاسىندا كەزدەسسە, ەڭ ارزان باعا اقتاۋ قالاسىندا ۇسىنىلعان.
