كاسىپورىن ءسۇت ءوندىرۋ جانە وسىمدىك شارۋاشىلىعى بويىنشا رەسپۋبليكادا وتە جوعارى كورسەتكىشكە يە. سەرىكتەستىكتىڭ ءوز سەلەكتسياسىن جۇرگىزەتىن زاماناۋي تاجىريبە جاساۋ القاپتارى دا بار. بىلتىر «جاڭا قازاقستانعا – جاڭا اۋىل» باعدارلاماسى اياسىندا شىعىس قازاقستان وبلىسىنىڭ شالعاي اۋداندارىندا «مايلى داقىلداردىڭ تاجىريبەلىك شارۋاشىلىعى» جشس ەسەبىنەن جاڭا جەرلەردى يگەرۋگە, شاعىن شارۋا قوجالىقتارىنىڭ كىرىسىن ارتتىرۋعا مول مۇمكىندىك بەرەتىن تەگىن مايلى داقىلداردىڭ كۇنباعىس گيبريدى ەگىلگەن ەدى.
جيگۋلي دايراباەۆ كەزدەسۋ بارىسىندا ەڭبەك ۇجىمىن سايلاۋالدى باعدارلاماسىمەن تانىستىردى. كانديدات ەلىمىزدى اگرارلىق دەرجاۆاعا اينالدىرۋ ءۇشىن قورعا جاقسى تۇقىمدار قاجەت ەكەنىن ايتىپ, بۇگىندە قازاقستاندا جەتىسپەيتىن تۇقىم شارۋاشىلىعىن دامىتۋدىڭ وتە ماڭىزدى ەكەندىگىنە توقتالدى. «مايلى داقىلداردىڭ تاجىريبەلىك شارۋاشىلىعى» جشس قولداناتىن تەحنولوگيالاردان توپىراق ساپاسى ايتارلىقتاي جاقسارتاتىنىنا كوز جەتتى. ال بۇگىندە قازاقستاندا قولدانىلاتىن تەحنولوگيا توپىراق ساپاسىن جاقسارتپايدى, تەك ساقتايدى», دەيدى ج.دايراباەۆ.
بۇدان كەيىن كانديدات جەرگىلىكتى گولشتين تۇقىمى وسىرىلەتىن, جوعارى ونىمدىلىگىمەن تانىمال ءسۇت جانە مال شارۋاشىلىعى كەشەنىنە باردى. ساپالى مەنەدجمەنت پەن جاقسى جەم-ءشوپ بازاسىنىڭ ارقاسىندا بۇل ۇجىم بۇگىندە جوعارى كورسەتكىشكە قول جەتكىزىپ وتىر.
