جاڭا زاۋىتتىڭ جوبالىق قۋاتى جىلىنا 5 مىڭ توننا كاتودتى مىس قۇرايدى. سونداي-اق كاسىپورىندا 140 جۇمىس ورنىن قۇرۋ جوسپارلانعان.
كاتودتى مىس SX-EW تەحنولوگياسى بويىنشا مىستى مەتالل قالىپتاماسىنا تۇندىرۋ ارقىلى وندىرىلەدى. مىس كاتودتارى M00k ماركاسىنا سايكەس كەلەتىن جوعارى تازالىق پەن ساپاعا يە.
SX-EW كاتودتى مىس ءوندىرۋ تەحنولوگياسى گيدرومەتاللۋرگيالىق پروتسەسكە نەگىزدەلگەن يننوۆاتسيالىق ءادىس. بۇل زاماناۋي تەحنولوگيا ەلىمىزدە سوڭعى ونجىلدىقتا قولدانىلا باستادى, ول زاۋىتتار سالۋعا ۇلكەن شىعىنداردى قاجەت ەتپەيدى. سونىمەن قاتار كاتودتى مىس وندىرىسىندە تومەن وزىندىك قۇنىمەن ەرەكشەلەنەدى جانە كەدەي كەندەردىڭ قورلارىن پايدالانۋعا مۇمكىندىك بەرەدى. بۇدان بولەك مەتاللۋرگياداعى ەڭ ەكولوگيالىق تازا ءادىس.
جىل سايىن وندىرىستىك قۋاتتىلىقتاردىڭ جەتكىلىكسىز كولەمىنە بايلانىستى قازاقستان مىس كونتسەنتراتىنىڭ شامامەن 30% (966 مىڭ توننا) شەتەلگە ەكسپورتتايدى. ال, جاڭا كاسىپورىنداردىڭ اشىلۋى مىس كونتسەنتراتىن ەل ىشىندە بارىنشا قايتا وڭدەۋگە مۇمكىندىك بەرىپ, قوسىلعان قۇنى جوعارى ءونىم شىعارۋعا ىقپال ەتەدى.
