«سۋ سۇزەتىن ەكى جاڭا ستانتسيانى تەزىرەك ىسكە قوسۋ كەرەك. «استراحان – ماڭعىستاۋ» سۋ قۇبىرىنىڭ 80 پايىزى ابدەن توزعان. ونى جاڭعىرتۋ جۇمىستارىن تەزدەتۋ قاجەت. سونىمەن بىرگە ۇكىمەت ەدىلدەن جاڭا سۋ قۇبىرىن تارتۋ ماسەلەسى بويىنشا بانكتەرمەن, قارجى ينستيتۋتتارىمەن كەلىسسوزدەردى جانداندىرۋعا ءتيىس», دەدى پرەزيدەنت.
سونداي-اق ول ايماقتاعى سۋارۋ كانالدارىنىڭ كوپشىلىگى توزعانىن اتاپ ءوتتى. بيىل 3 كانالدى جوندەۋگە رەسپۋبليكالىق بيۋدجەتتەن قارجى بولىنگەن. تاعى 11 كانالدى قالپىنا كەلتىرۋ كەرەك. وسى رەتتە ۇكىمەتكە الداعى ەكى جىلدا وسى جوبالارعا قارجى ءبولۋ ماسەلەسىن قاراستىرۋ تاپسىرىلدى.
«حالىقتى اۋىز سۋمەن قامتاماسىز ەتۋ – مەملەكەتتىڭ مىندەتى. سوندىقتان بۇل ماسەلەنىڭ شەشىمىن سوزبالاڭعا سالۋعا بولمايدى», دەدى مەملەكەت باسشىسى.
