«ازىق-ت ۇلىكتىڭ دۇكەندەگى باعاسىنا اسەر ەتەتىن ارتىق دەلدالدى الدىمەن مەيلىنشە ازايتىپ, سودان كەيىن بارىنەن ارىلۋ كەرەك. تاماق ونىمدەرىن ساقتايتىن ورىنداردى كوبەيتۋ – وزەكتى ماسەلە. قازىر مۇندا كوتەرمە ساۋدا جانە تاۋاردى ءبولىپ-تاراتۋ ورتالىعى سالىنىپ جاتىر. ونىڭ قۇرىلىس جۇمىستارىن ۋاقىتىلى اياقتاۋ قاجەت», دەپ اتاپ ءوتتى قاسىم-جومارت توقاەۆ.
پرەزيدەنت ءوز سوزىندە وڭىردە ازىق-ت ۇلىك قورىن ساقتايتىن قويمالار سالۋدى تاپسىردى.
«جاڭا قويمالار سالۋ ءۇشىن اكىمدىك جەكە ينۆەستورلارعا دايىن ينفراقۇرىلىمى بار جەر بەرۋى كەرەك. ءبىز ازىق-ت ۇلىك ءونىمىن وندىرۋشىلەردى الدىن-الا قارجىلاندىرۋ ءتاسىلىن ەنگىزدىك. مۇنى وبلىستىڭ الەۋمەتتىك-كاسىپكەرلىك كورپوراتسياسى ءتيىمدى پايدالانۋىنا بولادى. ءونىمدى ساتىپ الۋ ءۇشىن وزگە وڭىرلەردەگى شارۋالارمەن الدىن-الا كەلىسىم-شارت جاساۋعا مۇمكىندىك بار. بۇل جۇمىستا ءبارىن دەر كەزىندە جاساۋ وتە ماڭىزدى. نارىقتىڭ بەت الىسىن مۇقيات زەردەلەي وتىرىپ, ەرتەرەك قامدانعان ابزال. بىلتىر قاتتى قۋاڭشىلىقتىڭ جانە جەم-ءشوپ تاپشىلىعىنىڭ كەسىرىنەن اۋىل حالقى قانشاما مالىنان ايىرىلدى. مۇنداي جاعدايدىڭ قايتالانۋىنا جول بەرۋگە بولمايدى», دەپ تۇيىندەدى مەملەكەت باسشىسى.
