كەزدەسۋ بارىسىندامەملكەت باسشىسى ماڭعىستاۋ وبلىسىنىڭ ماڭىزدىلىعىنا توقتالدى.
«كيەلى ماڭعىستاۋدى 362 اۋليەنىڭ مەكەنى دەپ بەكەر ايتپاعان. بەكەت اتا, شاقپاق اتا, شوپان اتا سياقتى تۇلعالاردى بۇكىل قازاق ءپىر تۇتادى. ماڭعىستاۋدى اشىق اسپان استىنداعى مۇراجاي دەسەك, ارتىق ايتقاندىق ەمەس. شەجىرەلى ايماق ۇلت تاعدىرىنا قاتىستى تالاي وقيعالاردىڭ كۋاسى بولعان. وسى وڭىردەن قازاقتىڭ كوپتەگەن بەلگىلى تۇلعالارى شىققانىن. جالپى, بۇل جاقتا حالقىمىزدىڭ سالت-ءداستۇرى, ادەت-عۇرپى وتە جاقسى ساقتالعان. ماڭعىستاۋدىڭ ايگىلى جىرشىلار مەكتەبى بابالار ءۇنىن ۇرپاقتان ۇرپاققا جەتكىزىپ كەلەدى. سوڭعى جىلدارى قايتا جاڭعىرعان وتپان تاۋداعى بىرلىك جيىنى ونەگەسى مول, لايىقتى وقيعا بولدى, حالقىمىزدىڭ رۋحىنىڭ مىقتىلىعىن كورسەتتى دەپ ايتساق, ارتىق بولماس», دەدى پرەزيدەنت.
