«تاۋەلسىزدىك جىلدارىندا وبلىستاعى حالىق سانى 2,5 ەسەگە ءوستى. وڭىردە حالىق سانىنىڭ كۇرت كوبەيۋىنە بايلانىستى بىرقاتار ماسەلەلەر بار. ونى ءبىز جاقسى بىلەمىز. مۇمكىندىككە قاراي ءبارىن بىرتىندەپ شەشىپ جاتىرمىز. جالپى, ماڭعىستاۋ وبلىسى ءاردايىم مەنىڭ ەرەكشە نازارىمدا. مەملەكەت باسشىسى قىزمەتىنە كىرىسكەن كەزدە ەڭ الدىمەن كيەلى تۇركىستان مەن ماڭعىستاۋعا بارعانىمدى بىلەسىزدەر», دەدى پرەزيدەنت.
مەملەكەت باسشىسى بىلتىر ۇكىمەت پەن اكىمدىككە ماڭعىستاۋ وبلىسىن دامىتۋدىڭ كەشەندى جوسپارىن بەكىتۋدى تاپسىرعانىن ەسكە سالدى.
«بىلتىر وسىندا ارنايى كەلىپ, وبلىستى دامىتۋ تۋرالى اۋقىمدى جيىن وتكىزدىم. ۇكىمەت پەن اكىمدىككە ماڭعىستاۋ وبلىسىن دامىتۋدىڭ كەشەندى جوسپارىن بەكىتۋدى تاپسىردىم. قۇجات قابىلدانىپ, ونى جۇزەگە اسىرۋعا ءتيىستى قاراجات ءبولىندى. ءوڭىردىڭ بارىنە بىردەي ارنايى جوسپار قابىلدانىپ جاتقان جوق. وسىنىڭ ءوزى ماڭعىستاۋ جۇرتىنىڭ تىنىس-تىرشىلىگىن جاقسارتۋعا ايرىقشا ءمان بەرەتىنىمىزدى كورسەتەدى. ەندىگى مىندەت – بۇل جوسپاردى مۇلتىكسىز ورىنداپ, ءوڭىردى كوركەيتۋ. توعىز جولدىڭ تورابىندا تۇرعان قازىنالى ولكەنى جان-جاقتى وركەندەتۋگە تولىق مۇمكىندىك بار. ماڭعىستاۋ وبلىسى قاي تۇرعىدان الىپ قاراساق تا, ەرەكشە ايماق», دەپ اتاپ ءوتتى قاسىم-جومارت توقاەۆ.
