بيىل قاڭتار–قىركۇيەك ايلارىندا ەلىمىزدە ادام ساۋداسىنا قاتىستى 81 قۇقىق بۇزۋشىلىق تىركەلگەن, بۇل بىلتىرعىمەن سالىستىرعاندا 37,2% از.
قىلمىستىڭ باسىم بولىگى جەزوكشەلىك اينالىسۋ ءۇشىن پريتونداردى ۇيىمداستىرۋ نەمەسە ۇستاۋ جانە جەڭگەتايلىققا قاتىستى: 44 ءىس, ءبىر جىل بۇرىن 75 ءىس بولعان (مينۋس 41,3%).
تاعى 11 ءىس ادام ساۋداسىنا, 9 ءىس كامەلەتكە تولماعانداردى ساتۋعا, 8 ءىس كامەلەتكە تولماعانداردى جەزوكشەلىكپەن اينالىسۋعا تارتۋعا, 6 ءىس جەزوكشەلىكپەن اينالىسۋعا, 3 ءىس قاناۋ ماقساتىندا زاڭسىز باس بوستاندىعىنان ايىرۋعا قاتىستى بولعان.
وڭىرلەر بويىنشا ادام ساۋداسىنا قاتىستى قۇقىق بۇزۋشىلىقتار كوبىنە شىمكەنت قالاسىندا تىركەلگەن. جالپى سانى 17 قۇقىق بۇزۋشىلىق, بىلتىرعىدان 2,1 ەسە كوپ.
ودان كەيىن استانا (13 قۇقىق بۇزۋشىلىق, 18,2% كوبەيگەن) مەن الماتى (12 قۇقىق بۇزۋشىلىق, 40% ازايعان). سوسىن قوستاناي (7 قۇقىق بۇزۋشىلىق, 40% كوبەيگەن) مەن قاراعاندى (5 قۇقىق بۇزۋشىلىق, 28,6% ازايعان) وبلىستارى.
ۇلىتاۋ جانە اقتوبە وبلىستارىندا بىردە-ءبىر قۇقىق بۇزۋشىلىق تىركەلمەگەن.
ناقتى جەكە تۇلعالار زارداپ شەككەن قۇقىق بۇزۋشىلىقتارعا كەلسەك, قر-دا ادام ساۋداسىننىڭ 9, كامەلەتكە تولماعانداردى جەزوكشەلىكپەن اينالىسۋعا تارتۋدىڭ 8, جەزوكشەلىكپەن اينالىسۋعا ارنالعان پريتوندار ۇيىمداستىرۋ نەمەسە ۇستاۋدىڭ 6, كامەلەتكە تولماعانداردى ساتۋدىڭ 5, جەزوكشەلىكپەن اينالىسۋعا تارتۋدىڭ 4 جاعدايى تىركەلگەن.
قر-دا ادام ساۋداسىنا قارسى كۇرەس تۋرالى زاڭ جوباسى تالقىلانۋدا, دەپ حابارلادى قر ءىىم.
جۇمىس توبى زاڭ جوباسىندا پايدالانىلعان نەگىزگى ۇعىمداردى, زاڭ جوباسىنىڭ قولدانىلۋ اياسىن, قاعيداتتارىن, ماقساتتارى مەن مىندەتتەرىن, ادام ساۋداسىنا قارسى ءىس-قيمىلدى ۇيلەستىرۋ جونىندەگى ۋاكىلەتتى ورگانداردىڭ فۋنكتسيالارىن, قۇقىقتارى مەن مىندەتتەرىن, مەملەكەتتىك ورگانداردىڭ قۇزىرەتىن, زاڭ جوباسىنا قاتىستى ەمەس كوممەرتسيالىق ۇيىمدار جانە باسقا دا ماسەلەلەردى تالقىلادى.
زاڭ جوباسىن ەنگىزۋ مەرزىمدەرى: ادىلەت مينيسترلىگىنە - 2023 جىل قاڭتار, ۇكىمەتكە 2023 جىلدىڭ اقپانىندا, پارلامەنتكە 2023 جىلعى ساۋىردە جەتەدى.
