ۆيدەو • 07 قاراشا، 2022

مۇحتار ماعاۋين وقۋشىعا باتا بەردى

487 رەت كورسەتىلدى

ۆاشينگتوندا تۇرىپ جاتقان قازاقتار باسقوسۋ ۇيىمداستىردى. تابيعات اياسىنداعى كەزدەسۋگە قازاقستاننىڭ حالىق جازۋشىسى، اباي اتىنداعى مەملەكەتتىك سىيلىقتىڭ لاۋرەاتى مۇحتار ماعاۋين دە كەلگەن، دەپ جازادى Egemen.kz.

«بولاشاق» باعدارلاماسى بويىنشا اقش-تا ماگيستراتۋرادا وقىپ جۇرگەن جۋرناليست جالعاس سادىبەك ۇلى وسى جيىنعا وتباسىمەن بىرگە ارنايى بارىپتى. ول سارا ەسىمدى قىزىنىڭ قالامگەرگە ءوزىن تانىستىرىپ، باتاسىن العان ءساتتى ۆيدەوعا ءتۇسىرىپ، الەۋمەتتىك جەلىدە جاريالاعان.

«سارا قىزىمىز زاڭعار جازۋشىعا ءوزىن ولەڭمەن تانىستىرىپ، باتاسىن الدى. اتاسى سەكىلدى «جازۋشى بولامىن» دەيدى»، دەپ جازدى جالعاس سادىبەك ۇلى.

سارا جالعاسقىزىنىڭ ادەبيەتكە يكەمى بار. بۇل تۋرالى بىزگە ونىڭ اكەسى ايتىپ بەردى.

«استاناداعى 66 مەكتەپتە وقىدى. 4 سىنىپتىڭ 1 توقسانىن ءبىتىرىپ كەلدى. جاقىندا ءتورتىنشى سىنىپتار اراسىندا كۇز حانشايىمى سايىسىندا ءبىرىنشى ورىن الدى. جالپى ونەرگە جاقىن. سۋرەت سالادى، ءتۇرلى تاعامدار جاسايدى. ۇيدە بوس كەزدە پاراق-پاراق قىپ ەرتەگى، اڭگىمەلەر جازادى. اراسىندا ولەڭ جازادى. اڭگىمەلەرىنىڭ بلوكنوتتارىن جيناپ ءجۇر. ءوزى جازۋشى بولام دەيدى. مىنە جاقىندا امەريكاعا كەلىپ جاتىر! ەندى اعىلشىن ءتىلىن دە جاقسىلاپ ۇيرەن، الەمدىك دەڭگەيدەگى بالالار جازۋشىسى بولاسىڭ دەپ ماماسى قۇلاعىنا قۇيىپ ءجۇر! جازۋشىمەن ۆاشينگتون قازاقتارىنىڭ كۇزگى پيكنيگىندە كەزدەسىپ وتىر»، دەدى سارانىڭ اكەسى.

ەسكە سالساق، 28-قازان كۇنى ۆاشينگتوندا رەسپۋبليكا كۇنىنە ارنالعان ءىس-شارا ۇيىمداستىرىلدى. ول كەزدە دە مۇحتار ماعاۋين جيىنعا قاتىسىپ، قازاقستاندىقتاردى ايتۋلى مەرەكەمەن قۇتتىقتاعان.  

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار