پوليتسيا ورىن العان قايعىلى وقيعاعا قاتىستى تۇستىنىكتەمە بەردى. ولاردىڭ ايتۋىنشا, جاياۋ جۇرگىنشىنى قاققان كولىكتىڭ ماركاسى دا, جۇرگىزۋشىنىڭ كىم ەكەنى دە ازىرگە بەلگىسىز.
«7 قاراشا كۇنى تاڭعى ساعات 07:25-تە بەلگىسىز جۇرگىزۋشى كولىكپەن ب.مومىش ۇلى كوشەسىنىڭ بويىمەن سولتۇستىك باعىتتا, №5 ۇيگە قاراما-قارسى كەلە جاتىپ, جولدىڭ بەلگىلەنگەن بولىگىندە ءوتىپ بارا جاتقان جاياۋ جۇرگىنشىنى قاعىپ كەتتى. ازامات 1977 جىلى تۋعان. جاياۋ جۇرگىنشىلەر وتكەلىنەن باتىس باعىتتا ءوتىپ, سالدارىنان جاياۋ جۇرگىنشى وقيعا ورنىندا كوز جۇمدى.اتالعان فاكتى بويىنشا قىلمىستىق كودەكستىڭ 345-بابىنىڭ 3-بولىگى مەن 347-بابى بويىنشا سوتقا دەيىنگى تەرگەۋ باستالدى. ساراپتامالار تاعايىندالدى, قازىر وسى قىلمىستى جاساعان جۇرگىزۋشىنى انىقتاۋ جانە ۇستاۋ شارالارى جۇرگىزىلۋدە», دەدى الماتى قالالىق ءىىد تەرگەۋ باسقارماسىنىڭ باستىعى, پوليتسيا پودپولكوۆنيگى ولجاس ءشارىپوۆ.
