2022 جىلى قازاقستان دەموكراتيالىق دامۋىنىڭ جاڭا كەزەڭىنە اياق باسىپ, ساياسي جۇيەنىڭ نەگىزگى باعىتتارى بويىنشا زاڭنامانى جەتىلدىرۋ شارالارىن قابىلدادى. سونىڭ ءبىرى بيىلعى رەفەرەندۋمدا قابىلدانعان كونستيتۋتسياعا ادام قۇقىقتارى جونىندەگى ۋاكىلدىڭ مارتەبەسىن بەكىتەتىن وزگەرتۋلەر بولدى.
تيىسىنشە, «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» كونستيتۋتسيالىق زاڭنىڭ قابىلدانۋى لوگيكالىق قادام. بۇل زاڭ ادام قۇقىقتارى جونىندەگى ۋاكىلدىڭ قۇقىقتارى مەن وكىلەتتىكتەرىن كونستيتۋتسيالىق دەڭگەيدە ايقىندايدى. بۇل ومبۋدسمەن ينستيتۋتىنىڭ سالماعىن ايتارلىقتاي ارتتىرادى.
ادام قۇقىقتارى جونىندەگى ۋاكىلدىڭ مەدياتسيالىق قىزمەتى ماڭىزدى ماسەلە. ول مەملەكەتتىك ورگاندار, اكىمدىكتەر, باسقا دا ۇيىمدار مەن ازاماتتار اراسىنداعى داۋدى شەشۋ ءۇشىن قوعامدىق ديالوگكە قاتىسا الادى. بالكىم, بۇل ازاماتتارعا قاتىستى وسىنداي ءىس جۇرگىزۋ ستاتيستيكاسىنا وڭ اسەر ەتىپ, مەملەكەتتىك ورگاندار جۇمىسىنداعى بيۋروكراتيالىق كەمشىلىكتەردى جويۋعا پرەتسەدەنتتەر جاساپ, ونى ودان ءارى قايتا قاراۋعا جانە جەتىلدىرۋگە ىقپال ەتەدى.
ادام قۇقىقتارى جونىندەگى ۋاكىلدىڭ مەملەكەتتىك ورگاندار مەن لاۋازىمدى تۇلعالاردىڭ الدىندا تاۋەلسىز بولۋى مەن ەسەپ بەرمەۋىنىڭ كونستيتۋتسيالىق-قۇقىقتىق بەكىتىلۋى دە ماڭىزدى. بۇل ونىڭ وربيتاسىنا ەنگىزىلگەن ىستەر ادام مەن ازاماتتار قۇقىقتارىنىڭ جوعارى باسىمدىلىعى قاعيداتى نەگىزىندە مۇمكىندىگىنشە وبەكتيۆتى تۇردە قارالاتىنىن كورسەتەدى. سونىمەن قاتار ادام قۇقىقتارىن دامىتۋ جانە قورعاۋ ماقساتىندا ۋاكىلگە ادام مەن ازاماتتاردىڭ قۇقىقتارى مەن بوستاندىقتارىن قورعاۋ ماسەلەلەرى بويىنشا زاڭ جوبالارىن ازىرلەۋ قۇقىعى بەرىلدى.
وسىلايشا, ومبۋدسمەن تۋرالى كونستيتۋتسيالىق زاڭنىڭ قابىلدانۋى قازاقستاندىق دەموكراتيا تاريحىنىڭ جاڭا كەزەڭىن باستادى. بۇل قازاقستان ازاماتتارىنىڭ قۇقىقتارى مەن بوستاندىقتارىن نىعايتۋ جونىندەگى الداعى شارالارعا نەگىز بولاتىنى ءسوزسىز.
تاتيانا ليپينا,
پرەزيدەنت جانىنداعى قسزي اعا عىلىمي قىزمەتكەرى
