قوعامدىق شتاب مۇشەلەرى زيالى قاۋىممەن, ەتنومادەني بىرلەستىكتەردىڭ وكىلدەرىمەن, پەداگوگتەرمەن, ستۋدەنتتەرمەن جانە وبلىستىڭ كوپبالالى انالارىمەن بىرقاتار كەزدەسۋ وتكىزدى. ەتنومادەني بىرلەستىكتەردىڭ وكىلدەرىمەن بولعان كەزدەسۋدە رەسپۋبليكالىق قوعامدىق شتابتىڭ باسشىسى ەرلان قوشانوۆ بۇگىندە كەز كەلگەن قوعامدى دامىتۋدىڭ باستى شارتى كەلىسىم ەكەنىن اتاپ ءوتتى.
«ادامدار ءبىر-ءبىرىن تىڭداۋدان, تۇسىنۋدەن قالاتىن بولسا, بۇل كۇردەلى ماسەلەنىڭ باستاۋىنا اينالادى. مۇنىڭ نەگە اكەلىپ سوعاتىنىن ءارتۇرلى ەلدەردەگى جاعدايلاردان كورىپ وتىرمىز. ەتنيكالىق تەگىنە قاراماستان, ەلىمىزدىڭ ءاربىر ازاماتىنا كونستيتۋتسيامەن تەڭ مۇمكىندىككە كەپىلدىك بەرىلەدى. بۇل – بولاشاقتا دا بۇلجىمايتىن قاعيدا», دەدى ەرلان قوشانوۆ.
بۇگىندە قازاقستاندا 130 ەتنوس تۇرادى. جامبىل وبلىسىندا 75 ەتنومادەني بىرلەستىك جۇمىس ىستەيدى. بۇدان سوڭ, شتاب مۇشەلەرى وڭىردەگى جوعارى وقۋ ورىندارىنىڭ وقىتۋشى-پروفەسسورلىق قۇرامىمەن, ستۋدەنتتەر قاۋىمىمەن كانديداتتىڭ سايلاۋالدى باعدارلاماسىنىڭ ءبىلىم جانە عىلىم سالاسىنداعى باسىمدىقتارىن تالقىلادى. ارداگەرلەرمەن جانە زيالى قاۋىم وكىلدەرىمەن كەزدەسۋدە سايلاۋالدى باعدارلامادا كورىنىس تاپقان مادەنيەت پەن ونەردى قولداۋ شارالارىنا باسا نازار اۋدارىلدى.
