قازاقستاندىقتار شوتلانديانىڭ گلازگو قالاسىندا س توبىندا ۇلىبريتانيا جانە يسپانيا كوماندالارىمەن باسەكەگە تۇسەدى.
ماتچتار 8 200 كورەرمەن سياتىن Emirates Arena ستاديونىنىڭ حارد توسەنىنىشىندەگى كورتىندا وتەدى.
قازاقستان ايەلدەر جانە ەرلەر قۇرامالارىنىڭ كاپيتاندارى ياروسلاۆا شۆەدوۆا مەن يۋري ششۋكين, سپاررينگ-سەرىكتەس تيمۋر حابيبۋللين مەن دەنە دايىندىعىنا جاۋاپ بەرەتىن تاتيانا حادجيمۋرادوۆا, سونداي-اق تەننيسشىلەر يۋليا پۋتينتسەۆا مەن جىبەك قۇلامباەۆا گلازگوعا كەلىپ, ازىرلىكتى باستاپ كەتتى. كورتتى يۋليا مەن جىبەك بايقاپ كوردى. كومانداعا كوپ ۇزاماي ەلەنا رىباكينا, 7 قاراشا كۇنى اننا دانيلينا قوسىلادى.
«ەل نامىسىن قورعاۋ ۇلكەن جاۋاپكەرشىلىكتى تالاپ ەتەدى. اۋا رايى مەن كورتقا بەيىمدەلۋ ءۇشىن ەرتەرەك كەلدىك. الەم چەمپيوناتىندا وسال قارسىلاس جوق. ۇلىبريتانيا مەن يسپانيا ويىنشىلارىنىڭ تاجىريبەسى مول, جاستارى دا بار. ولارمەن ازىرگە تۋرنيرلەردە جولىعا قويعانىم جوق. ارينە, تولقۋ دا جوق ەمەس, بۇل – مەنىڭ ۇلتتىق قۇراما ءۇشىن ەكىنشى رەت ويناۋىم. دەگەنمەن ياروسلاۆا شۆەدوۆا باستاعان كوماندامىز بارىن سالاتىنى انىق», دەدى جىبەك قۇلامباەۆا.
ءتۇرلى جارىستاردا ۇلىبريتانيالىق تەننيسشىلەرمەن توقايلاسىپ, ۇتىپ كورگەن يۋليا پۋتينتسەۆا ماتچتىڭ وڭايعا تۇسپەيتىنىن جەتكىزدى.
« ۇلىبريتانيالىقتاردىڭ ءوز كورتىندا ايانبايتىنى انىق. قازىرگى قۇرامنان دارتپەن ءۇش رەت كەزدەسىپ, بارىندە دە جەڭدىم. ۋوتسونمەن ءۇش باسەكەنىڭ ەكەۋىندە باسىم ءتۇستىم. بۋلتەرمەن ەكى رەت كورتقا شىعىپ, ۇتتىم. تەك جۇپتىق سىنداعى بارنەت جانە نيكولسپەن ويناپ كورمەپپىن», دەدى يۋليا پۋتينتسەۆا.
بيللي دجين كينگ كۋبوگىنىڭ فينالدىق كەزەڭىنە ءتورت توپقا بولىنگەن 12 قۇراما قاتىسادى. توپ جەڭىمپازدارى جارتىلاي فينالعا جولداما الادى.
س توبىنداعى ماتچتار كەستەسى مىناداي (گلازگوداعى ۋاقىت استانا قالاسىنان 6 ساعاتقا قالىس):
8 قاراشا, قازاقستان – ۇلىبريتانيا.
9 قاراشا, يسپانيا – قازاقستان.
10 قاراشا, يسپانيا – ۇلىبريتانيا.
ويىندار ەلوردا ۋاقىتىمەن ساعات 22.00-دەن كەيىن باستالادى.
