قازاق بوكسشىلارى اراسىندا ازيا چەمپيوناتىنىڭ شىمىلدىعىن 57 كيلو سالماقتاعى الەم چەمپيوناتىنىڭ كۇمىس جۇلدەگەرى (2021), جاستار اراسىنداعى ازيا چەمپيونى سەرىك تەمىرجانوۆ اشىپ بەردى. تۇرىكمەنستاننىڭ ۇكىلەپ قوسقان ءۇمىتى يحلاس گىلىچجانوۆپەن شارشى الاڭدا جولى تۇيىسكەن جەرلەسىمىز قارسىلاسىن ءۇش راۋندتا دا بەت قاراتپاي جەڭدى. بەس تورەشى جەڭىستى ءبىراۋىزدان قازاق بوكسشىسىنا بەردى – 5:0. العاشقى اينالىمدا ابۋكۋزايل تۋركيدەن (كۋۆەيت) باسىم تۇسكەن يحلاس ەكىنشى جەكپە-جەگىندە جەرلەسىمىزگە قارسى ەش ايلا-ءتاسىل قولدانا المادى.
ەندى س.تەمىرجانوۆ شيرەك فينالدا جارىس قوجايىنى يۋسەف ياشاشپەن كۇش سىناسپاق. يوردانيالىق بوكسشى چەمپيوناتتىڭ ەكىنشى اينالىمىندا 2014 جىلعى ازيا ويىندارىنىڭ قولا جۇلدەگەرى فيليپپيندىك ماريو فەرناندەستى تورەشىلەردىڭ ارالاس شەشىمىمەن تىزە بۇكتىرگەن بولاتىن. بۇل كەزدەسۋ 6 قاراشاعا جوسپارلانعان.
قازاقستاندىقتاردان رينگكە ەكىنشى بولىپ 2019 جىلى تايلاندتا ۇيىمداستىرىلعان ازيا چەمپيوناتىنىڭ قولا جۇلدەگەرى ءساناتالى تولتاەۆ (63,5 كيلو) شىقتى. جارىستى ءبىرىنشى اينالىمنان باستاعان رۋسلان ابدۋللاەۆ العاشقى كەزەڭدە جاپونيالىق شۋنسۋكە كيتاموتومەن جۇدىرىقتاسىپ, 5:0 ەسەبىمەن ايقىن جەڭىسكە جەتسە, 1/8 فينالدا دا ءدال سونداي ەسەپپەن جەرلەسىمىزدەن ايلاسىن اسىردى. جەكپە-جەكتىڭ ءبىرىنشى راۋندىندا ەكى بوكسشى دا تەڭ دارەجەدە جۇدىرىقتاسقانىمەن, بەس تورەشىنىڭ ۇشەۋى جەڭىستى ابدۋللاەۆقا بەرسە, ەكەۋى تولتاەۆ جەڭدى دەپ ەسەپتەدى. دەگەنمەن, ەكىنشى جانە ءۇشىنشى راۋندتاردا وتانداسىمىزدىڭ وسال تۇسىن تاۋىپ, قارقىنىن ارتتىرعان رۋسلان چەمپيوناتتاعى ەكىنشى جەڭىسىنە قول جەتكىزدى. وسىلايشا, اممانعا 13 سالماقتا بارعان ۇلتتىق قۇراما بوكسشىلارىنىڭ بىرەۋى جارىس جولىنان شىعىپ قالدى. ال وسى چەمپيوناتتا قازاقستاننىڭ باستى قارسىلاسى سانالاتىن وزبەكستان ازيا بىرىنشىلىگىن تولىق قۇرامدا جالعاستىرىپ جاتىر.
ال كەشكى سەسسيادا جارىس جولىنا شىققان توكيو وليمپياداسىنىڭ قولا جۇلدەگەرى, الەم چەمپيونى سəكەن بيبوسىنوۆ جانكۇيەرلەرىن قۋانتتى. وتانداسىمىز ۇندىستاندىق كۋمار سپارشتى 4:1 ەسەبىمەن جەڭگەنىمەن, العاشقى راۋندتاردا كورەرمەندەردى ءبىراز الاڭداتىپ قويدى. سەبەبى ءبىرىنشى راۋندتا تورەشىلەر 2:3 ەسەبىمەن جەڭىستى كۋمارعا بەردى. ۇزىلىستە باپكەرلەردىڭ كەرەكتى اقىل-كەڭەسىن تىڭداپ شىققان ساكەن ەكىنشى راۋندتا قارسىلاسىن بۇرىشتان بۇرىشقا تىقسىرىپ, ءۇندى بوكسشىسىن ابدەن سوققىنىڭ استىنا الدى. بويى مەن قولىنىڭ ۇزىندىعىن دۇرىس پايدالانىپ, الىستان ءجۇرىپ ۇرىس سالعان ساكەن كەيىنگى ەكى راۋندتا ايقىن باسىمدىق تانىتىپ, قارسىلاسىنان جەڭىستى ج ۇلىپ الدى. جەرلەسىمىز 5 قاراشا كۇنى شيرەك فينالدىق جەكپە-جەكتە مالايزيالىق كايۋم اريففينمەن جۇدىرىقتاسادى.
سونداي-اق ءدال وسى سالماقتا باحرەين قۇراماسىنىڭ نامىسىن قورعايتىن قازاقستاندىق بوكسشى ازات ماحمەتوۆ تا شارشى الاڭعا شىقتى. وكىنىشكە قاراي, ازات ءوزىنىڭ العاشقى كەزدەسۋىندە بىلتىرعى الەم چەمپيوناتىندا 54 كيلو سالماقتا توپ جارعان جاپونيالىق توموە تسۋبويدان جەڭىلىپ قالدى. جاپونيا بوكسشىسى وسىمەن ەكى جىلدىڭ ىشىندە ەكى قازاق بوكسشىسىن تىزە بۇكتىرىپ وتىر. سەربياداعى الەم چەمپيوناتىنىڭ فينالىندا ول سابىرحان ماحمۇدتى جەڭىپ, التىننان القا تاققان بولاتىن. توموە بيىلعى ازيا بىرىنشىلىگىندە 51 كيلو سالماقتا ونەر كورسەتىپ جاتقاندىقتان, سابىرحانمەن جولى تۇيىسپەيدى. ەسەسىنە, ساكەن بيبوسىنوۆپەن شارشى الاڭدا كەزدەسۋى ىقتيمال.
كەشە قىزدار قۇراماسىنىڭ وكىلى, əلەمنىڭ ەكى دۇركىن چەمپيونى نازىم قىزايباي تايلاند بوكسشىسى راكسات چۋتاماتپەن قولعاپ ءتۇيىستىردى.
قازاقستاندىق بوكس جانكۇيەرلەرى بۇگىن اسا جەڭىل سالماقتا (48 كيلو) جۇدىرىقتاساتىن وتانداسىمىز سانجار تاشكەنباي, 67 كيلوداعى دۋلات بەكباۋوۆ جانە 71 كيلودا ونەر كورسەتەتىن اسلانبەك شىمبەرگەنوۆتىڭ جەكپە-جەكتەرىن تاماشالاي الادى. س.تاشكەنباي ەكىنشى اينالىمدا وزبەكستاندىق اسىلبەك جاليلوۆپەن كەزدەسسە, د.بەكباۋوۆ ازيانىڭ جانە وزبەكستاننىڭ ءبىرىنشى ءنومىرلى بوكسشىسى اسادحۋجا مۋيدينحۋجاەۆپەن شەبەرلىك بايقاسادى. ال اسلانبەك شىمبەرگەنوۆ فيليپپين وكىلى پيانار مارجونمەن شارشى الاڭعا شىعادى.
