اتىراۋ وبلىسى تجد ءباسپاسوز قىزمەتىنەن حابارلاعانداي, سۇلتان بەيبارىس داڭعىلىندا كولىك جانىپ تۇرعانى تۋرالى حابار كەلىپ ءتۇستى. ءورت ءسوندىرۋ بولىمشەلەرى شاقىرتۋ ورنىنا كەلگەننەن كەيىن قىزمەت كورسەتۋ ورتالىعىنىڭ جانىندا «Gazelle Necht» ماركالى اۆتوكولىكتىڭ اشىق وتپەن جانىپ تۇرعانى انىقتالدى. ءورت سالدارىنان جالىن جاقىن ماڭداعى «Mercedes» ماركالى اۆتوكولىككە تارادى. ءورتتىڭ سەبەبى انىقتالۋدا.
جالپى جىل باسىنان بەرى وڭىردە 66 اۆتوكولىك ورتەندى.
«قۇرمەتتى اۆتوكولىك يەلەرى, اۆتوكولىكتەگى ءورت قاۋىپسىزدىگى ەرەجەلەرىن قاتاڭ ساقتاۋىڭىزدى سۇرايمىز جانە ءورت سوندىرگىشتەر ءار ماشينادا بولۋى كەرەك ەكەنىن ەسكە سالامىز», دەلىنگەن ءوڭىردىڭ تجد ءباسپاسوز قىزمەتىنىڭ حابارلاماسىندا.
