gov.kz
توراعانىڭ ايتۋىنشا, جىل باسىنان بەرى اۋماقتىق دەپارتامەنتتەرمەن مەملەكەتتىك باقىلاۋعا الىنعان مىڭنان استام تەكسەرۋ ءىس-شارالارى جۇرگىزىلگەن. ونىڭ ىشىندە 865 جاعدايىندا زاڭ بۇزۋشىلىقتار انىقتالعان.
«122 ۇيعارىم بەرىلدى, اكىمشىلىك قۇقىق بۇزۋشىلىق تۋرالى ءىس بويىنشا 155 قاۋلى شىعارىلدى. اكىمشىلىك ايىپپۇل سوماسى 140,6 ملن تەڭگەنى قۇرادى, بۇل بىلتىرعىمەن سالىستىرعاندا 77%-عا جوعارى», دەدى قۋانىش ەلىكباەۆ.
سونداي-اق 70 اككرەديتتەۋ سۋبەكتىسى تەكسەرىلىپ, 39 سۋبەكتىدە زاڭ بۇزۋشىلىقتار انىقتالعان.
ناتيجەسىندە 6 ايعا بىرنەشە زەرتحانا مەن سەرتيفيكاتتاۋ ورگاندارىندا 4 اككرەديتتەۋ اتتەستاتىنىڭ قولدانىلۋى توقتاتىلىپ, 2,4 ملن تەڭگەگە ايىپپۇل سالىنعان.
دەپارتامەنت 570 زەرگەرلىك بۇيىم ساتۋشىعا قاتىستى پروفيلاكتيكالىق باقىلاۋ جۇرگىزىپ, 458 جاعدايدا قۇقىق بۇزۋشىلىقتار انىقتاعان.
«بۇل ساتۋشىلار سىناقتان, تالداۋدان جانە تاڭبالاۋدان وتپەگەن تاۋارلاردى ساتقان. ياعني قازاقستان تاڭباسى جوق, قازاقستاندا سىناماسى راستالماعان زەرگەرلىك بۇيىمدار», دەپ اتاپ ءوتتى توراعا.
بريفينگ بارىسىندا قۋانىش ەلىكباەۆ مەملەكەتتىك باقىلاۋ - نارىق اينالىمىنداعى ونىمدەردىڭ قاۋىپسىزدىگىن قامتاماسىز ەتۋگە باسىمدىق بەرە وتىرىپ, تۇراقتى نەگىزدە جۇرگىزىلىپ جاتقانىن ايتتى. ونىڭ ىشىندە سۇر سەرتيفيكاتتارمەن كۇرەس تە كۇشەيگەنىن مالىمدەدى.
