باق وكىلدەرى «مەملەكەتتىك قىزمەتكەرلەردىڭ وسىنشاما اقشانى قايدان العانىن باس پروكۋراتۋرا تەكسەرە مە؟» دەگەن ساۋال قويدى. راسىندا دا, بۇعان دەيىن الماتى وبلىسىنىڭ پروكۋراتۋراسى 307 مەملەكەتتىك قىزمەتكەردىڭ ويىنحانادا 507 ميلليون تەڭگە جۇمساعانىن حابارلاعان بولاتىن.
ء«اربىر فاكتى بويىنشا مەملەكەتتىك قىزمەتكەرلەرگە ءتيىستى مەملەكەتتىك ورگاندار تەكسەرۋ جۇرگىزەدى. سونداي-اق قىزمەتكەرلەر اقشانى قايدان العانى تۋرالى دا انىقتاۋ جۇمىستارىن جۇرگىزەدى. تەكسەرۋ قورىتىندىسى بويىنشا ەڭ قاتال شارالار قابىلدانادى دەپ ويلايمىن», دەدى اسەت شىنداليەۆ.
2022 جىلدىڭ 19 قازانىندا الماتى وبلىسىنداعى قۇمار ويىندارىنا مەملەكەتتىك قىزمەتكەرلەر 507 ميلليون تەڭگە جۇمساعانى بەلگىلى بولدى.
قاراشانىڭ 2-ءسى كۇنى ىشكى ىستەر مينيسترلىگىنىڭ باسشىسى ونىڭ ۆەدومستۆوسى شەنەۋنىكتەردىڭ ويىنحاناعا جۇمساعان اقشاسىنىڭ شىعۋ تەگىن تەكسەرىپ جاتقانىن حابارلادى.
