پالاتانىڭ جالپى وتىرىسىندا زاڭ جوباسىن تانىستىرۋ كەزىندە سەناتور اندرەي لۋكين اتاپ وتكەندەي, قۇجات مەملەكەت باسشىسى باستاعان كونستيتۋتسيالىق رەفورمالاردى جۇزەگە اسىرۋعا باعىتتالعان.
«كونستيتۋتسيالىق زاڭ جوباسىنىڭ ماقساتى - قازاقستان رەسپۋبليكاسىنىڭ كونستيتۋتسياسىنا كونستيتۋتسيالىق كەڭەستى كونستيتۋتسيالىق سوتقا اينالدىرۋ, مەملەكەتتىڭ ادام قۇقىقتارىن قورعاۋ ينستيتۋتتارىن نىعايتۋ, قازاقستان رەسپۋبليكاسى كونستيتۋتسياسىنىڭ نورمالارىنىڭ مۇلتىكسىز ساقتالۋىن قامتاماسىز ەتۋ بولىگىندە قازاقستان رەسپۋبليكاسىنىڭ كونستيتۋتسياسىنا ەنگىزىلگەن وزگەرىستەردى ىسكە اسىرۋ. نەگىزگى زاڭ جانە ازاماتتاردىڭ كونستيتۋتسيالىق باقىلاۋعا قولجەتىمدىلىگىن كەڭەيتۋ», دەپ ءتۇسىندىردى اندرەي لۋكين.
كونستيتۋتسيالىق زاڭ جوباسى كونستيتۋتسيالىق سوتتى قۇرۋ مەن ونىڭ قىزمەتىنە, سونداي-اق كونستيتۋتسيالىق سوت ءىسىن جۇرگىزۋدى جۇزەگە اسىرۋعا بايلانىستى قوعامدىق قاتىناستاردى رەتتەيدى.
«كونستيتۋتسيالىق زاڭنىڭ قابىلدانۋى قۇقىقتىق جۇيەنى كونستيتۋتسياعا سايكەس دامىتۋعا, ەلدەگى ازاماتتاردىڭ كونستيتۋتسيالىق قۇقىقتارى مەن زاڭدىلىق جۇيەسىن قورعاۋ كەپىلدىكتەرىن نىعايتۋعا, حالىقتىڭ مەملەكەتكە دەگەن سەنىمىن ارتتىرۋعا ىقپال ەتەدى», دەپ قوستى سەناتور.
كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ قورىتىندىسىندا زاڭدى ەكى نەگىزگى بلوكقا بولۋگە بولاتىنى اتاپ ءوتىلدى:
ءبىرىنشى بلوك كونستيتۋتسيالىق سوتتىڭ, ونىڭ سۋديالارىنىڭ مارتەبەسىن, ولاردىڭ كەپىلدىكتەرى مەن قامتاماسىز ەتىلۋىن قاراستىرادى.
كونستيتۋتسيالىق سوت ەلىمىزدىڭ بۇكىل اۋماعىندا كونستيتۋتسيانىڭ ۇستەمدىگىن قامتاماسىز ەتەتىن ورگان بولادى.
زاڭ جوباسىندا:
- كونستيتۋتسيالىق سوتتىڭ سۋديالارىن تاعايىنداۋ جانە ولاردىڭ وكىلەتتىكتەرىن توقتاتۋ ءتارتىبى;
- سۋديالاردىڭ تاۋەلسىزدىگى مەن يممۋنيتەتى;
- سۋديالاردى ماتەريالدىق جانە الەۋمەتتىك قامتاماسىز ەتۋ نورمالارى;
- كونستيتۋتسيالىق سوتتىڭ قۇزىرەتى جانە ونى جۇزەگە اسىرۋدىڭ ۇيىمداستىرۋشىلىق نىساندارى.
كونستيتۋتسيالىق سوتتىڭ قۇزىرەتىنە سايلاۋدى وتكىزۋدىڭ دۇرىستىعىن قاراۋ, پارلامەنت قابىلداعان زاڭدار مەن حالىقارالىق شارتتاردى ولاردىڭ كونستيتۋتسياعا سايكەستىگىن قاراۋ, سونداي-اق كونستيتۋتسيا نورمالارىنا رەسمي تۇسىنىكتەمە بەرۋ كىرەدى.
كونستيتۋتسيالىق سوت ازاماتتاردىڭ وتىنىشتەرى بويىنشا ولاردىڭ قۇقىقتارى مەن بوستاندىقتارىن تىكەلەي قوزعايتىن نورماتيۆتىك قۇقىقتىق اكتىلەردىڭ كونستيتۋتسياعا سايكەستىگىن قارايدى.
سونداي-اق باس پروكۋرور مەن ادام قۇقىقتارى جونىندەگى ۋاكىل كونستيتۋتسيالىق سوتقا شاعىمدانۋ قۇقىعىن الدى.
ەكىنشى بلوك كونستيتۋتسيالىق سوت ءىسىن جۇرگىزۋ ءتارتىبىن قاراستىرادى.
زاڭ جوباسى مىنالاردى انىقتايدى:
- كونستيتۋتسيالىق سوت ءىسىن جۇرگىزۋدىڭ جالپى شارتتارى مەن پرينتسيپتەرىن;
- كونستيتۋتسيالىق سوتقا جۇگىنۋ تۇرلەرى, ولاردىڭ نىسانى مەن مازمۇنى;
- ازاماتتاردىڭ وتىنىشتەرىنىڭ قابىلدانۋ كريتەريلەرى.
