قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن كلاسسيكالىق مۋزىكا ونەرىندەگى بىرەگەي جوبانىڭ نەگىزگى ۇيىمداستىرۋشىسى جامبىل اتىنداعى قازاق مەملەكەتتىك فيلارمونياسى بولىپ وتىر.
حالىقارالىق اعاش ۇرمەلى اسپاپتار اكادەمياسى – بۇل مۇعالىمدەر مەن جەتەكشى سوليستەر – سون حيۋن چو (وڭتۇستىك كورەيا), توماس حاتچينسون (جاڭا زەلانديا, فرانتسيا), رومان ليۋك (گەرمانيا, فرانتسيا) جانە دجوۆانني پۋنتسي (يتاليا) ۇسىنعان ءتورت كۇندىك پراكتيكالىق سەمينارلار. بۇل جوبا وسى جىلدىڭ ءساۋىر ايىندا قۇرىلعان فلەيتا اكادەمياسىنىڭ جالعاسى ىسپەتتى.
الماتى, استانا جانە قاراعاندى قالالارىنان 40 قاتىسۋشى ىرىكتەلىپ, كونكۋرستىق نەگىزدە اكادەمياعا شاقىرىلدى, ولار جەتەكشى حالىقارالىق مامانداردىڭ باسشىلىعىمەن پراكتيكالىق بىلىمدەردى تەگىن يگەرەدى. ۇيىمداستىرۋشىلار ءۇشىن جاس ورىنداۋشىلاردىڭ مۋزىكانتتاردىڭ كاسىبي دامۋىنا قاتىستى تولعاندىرعان سۇراعىنا جاۋاپ بەرىپ, سونداي-اق, قوعامداستىق اراسىنداعى بايلانىستى نىعايتۋ ماڭىزدى. اكادەميانىڭ شەبەرلىك سىنىپتارى ەركىن تىڭداۋشىلار ءۇشىن اشىق بولادى, بۇل اركىمگە ءۇردىستى باقىلاۋعا, ءبىلىمىن جەتىلدىرە تۇسۋگە جانە وسى ورتاداعى ارىپتەستەرىمەن تانىسۋعا مۇمكىندىك بەرەدى.
ء«بىز ءۇشىن اكادەميالىق ورتانى دامىتۋ جۇمىسى 2018 جىلى باستالدى. سوندا سەرىكتەستەرىمىزدىڭ ارقاسىندا ۇرمەلى اسپاپتاردا وينايتىن دارىندى ورىنداۋشىلار ءۇشىن اتاۋلى شاكىرتاقى تاعايىندادىق جانە ۇرمەلى اسپاپتاردا ويناۋدى ۇيرەنەتىن دارىندى وقۋشىلار مەن ستۋدەنتتەرگە ارنالعان ەكى رەسپۋبليكالىق بايقاۋ وتكىزدىك», دەيدى «باتىرحان شوكەنوۆ اتىنداعى قوردىڭ» ديرەكتورى نارگيز شوكەنوۆا.
اكادەميا 3 قاراشا كۇنى جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىندا وتەتىن سالتاناتتى گالا-كونتسەرتپەن اياقتالادى. گالا-كونتسەرتتە سون حيون چو ۆولفگانگ امادەي موتسارتتىڭ فلەيتا مەن وركەسترگە ارنالعان رە ماجور كونتسەرتىن, توماس حاتچينسون بوگۋسلاۆ مارتينۋدىڭ گوبوي مەن وركەسترگە ارنالعان كونتسەرتىن, ەرجان كۋشانوۆ فرانتس دوپلەر – فلەيتا مەن فورتەپيانوعا ارنالعان پاستورالدىق ۆەنگر, رومان ليۋكا كارل ماريا فون ۆەبەردىڭ فاگوت پەن وركەسترگە ارنالعان فا ماجور كونتسەرتىن, دجوۆانني پۋنتسي يۋليۋس ءريتستىڭ كلارنەت پەن وركەسترگە ارنالعان سول مينور كونتسەرتىن ورىندايدى. ورىنداۋشىلار ونەرىن تولەپبەرگەن ابدىراشەۆ اتىنداعى قازاقستان رەسپۋبليكاسىنىڭ مەملەكەتتىك اكادەميالىق سيمفونيالىق وركەسترى سۇيەمەلدەيدى, ديريجەرى – نۇرجان بايبۋسينوۆ.
بايان مۇراتبەكقىزى,
الماتى
