زاماناۋي مۇمكىندىكتەردى يگەرگەن شەتەلدىك جانە وتاندىق بيزنەس-ترەنەرلەردىڭ قاتىسۋمەن جۇزەگە اساتىن يننوۆاتسيالىق جوبا بيزنەس-ءبىلىم بەرۋ نارىعىندا باسەكەگە قابىلەتتىلىكتى ارتتىرۋ مەن الەمدىك تاجىريبەلەردى قولدانۋدى ماقسات ەتەدى. ءوز كەزەگىندە قازۇازۋ باسقارما توراعاسى – رەكتوردىڭ مىندەتىن اتقارۋشى, اكادەميك قانات تىرەۋوۆ ەمۆا/مۆا باعدارلاماسى قازاقستاندا, ورتالىق ازيا ەلدەرىندە اگروسەكتور ماماندارىن دايارلاۋ جانە اۋىل شارۋاشىلىعى ونىمدەرىن وندىرۋمەن, ەكسپورتتاۋمەن جانە ازىق-ت ۇلىك ونىمدەرىن وڭدەۋمەن اينالىساتىن جۇمىس بەرۋشىلەرمەن تىعىز بايلانىس ورناتۋ باعىتىنداعى باعدارلاما ەكەنىن اتاپ ءوتتى.
وسى ورايدا اقش-تىڭ الماتىداعى باس كونسۋلى كەرولاين سەۆيدج اۋىل شارۋاشىلىعى جاقسى دامىعان شتاتتا تۋىپ-وسكەنىن جانە ازىق-ت ۇلىك ءوندىرۋ ماسەلەسىنىڭ الەمدىك دەڭگەيدەگى پروبلەما ەكەنىنە توقتالىپ, ەمۆا/مۆا اياسىنداعى جاڭا باستاما اگروسەكتوردىڭ دامۋىنا, وسى سالادا ەڭبەك ەتەتىن بىلىكتى, كاسىبي ماماندار دايارلاۋعا مۇمكىندىك بەرەتىنىن جەتكىزدى.
پروفەسسور رافيس ابازوۆ باعدارلامانىڭ الەمدىك بيزنەس – ءبىلىم بەرۋ كەڭىستىگىنە ينتەگراتسيالانۋى, اۋىل شارۋاشىلىقتى وڭىرلەردە اگروبيزنەس جانە كاسىپكەرلىك سالاسىنداعى باعدارلامالاردى دامىتۋ, ىسكە اسىرۋ, وتاندىق جانە حالىقارالىق بيزنەس – ءبىلىم بەرۋ نارىعىندا باسەكەگە قابىلەتتىلىكتى ارتتىرۋدى قامتاماسىز ەتۋ مەن زاماناۋي تەحنولوگيالارىن مەڭگەرگەن كاسىبي باسقارۋ كادرلارىن دايارلاۋداعى مۇمكىندىكتەرىنە توقتالدى.
جيىن بارىسىندا, سونىمەن قاتار بۇۇ-نىڭ قازاقستانداعى اقپاراتتىق كەڭسەسىنىڭ ديرەكتورى ۆلاستيميل سامەك, تۇركيانىڭ الماتىداعى ەلشىلىگىنىڭ ۆيتسە-كونسۋلى شەرمين تەكين, فرانتسيا-قازاقستان ءسوپ باس ديرەكتورى م.ارتىقبەكوۆا, مەدەۋ اۋدانى اكىمىنىڭ ورىنباسارى ا.نۇرلىباەۆ, «Sanaly Urpaq» رەسپۋبليكالىق جوبالىق كەڭسەسىنىڭ باسشىسى ق.توكۋشەۆ, الماتى قالالىق «اتامەكەن» كاسىپكەرلەر پالاتاسىنىڭ ديرەكتورى ا.قوشمامبەتوۆ قاتىسىپ, پىكىر ءبىلدىردى.
ماماندار باعدارلاما اگرارلىق سەكتوردا جاڭا ۇلگىدەگى باسقارۋشىلاردى دايارلاۋعا سەپتىگىن تيگىزەتىنىن جەتكىزدى. الداعى ۋاقىتتا پولشا, قىتاي, نيدەرلاند, تۇركيا جانە اقش-تان حالىقارالىق جاتتىقتىرۋشىلار مەن وقىتۋشىلار شاقىرىلادى.
الماتى
