«استانا» ما, «اقتوبە» مە؟

قازاقستاندىق تانىمال فۋت­بولشى جانە جاتتىقتىرۋشى الەكساندر جۋيكوۆتىڭ قۇرمەتىنە وتكىزىلگەن XXV تۋرداعى بىرقاتار ماتچتا توسىن ناتيجە تىركەلىپ, تۋرنير كەستەسىنىڭ تەك جوعارى ساتىسىندا ەمەس, تومەنگى جاعىندا دا ايتارلىقتاي وزگەرىستەر بولدى.

ماسەلەن, تۋردىڭ ورتالىق ويىنى سانالعان «ورداباسى» – «اقتوبە» اراسىنداعى ماتچتا قوناقتار الاڭ يەلەرىمەن تەڭ ءتۇسىپ, چەمپيوندىققا سىنىق سۇيەم قالعاندا ءسۇرىندى. ءبىرىنشى تايم­دا 2:0 ەسەبىمەن الدا تۇرعان «اقتوبە» فۋتبولشىلارى ەكىنشى تايمدا ءوز قاقپاسىنا ەكى گول وتكىزىپ الدى. اينالدىرعان 10 مينۋتتىڭ ىشىندە باس تورەشى ستاس پوكاتيلوۆ قورعاعان قاقپاعا ەكى پەنالتي بەلگىلەدى. ولاردى الاڭ يەلەرىنىڭ 23 جاستاعى شابۋىلشىسى دمي­تري بورودين ءساتتى ورىن­داپ, كومانداسىن جەڭىلىستەن قۇت­قارىپ قالدى. ءسويتىپ 2:2 ەسە­بىمەن تەڭ اياقتالعان كەزدەسۋدە اقتو­بەلىكتەر تەك ەكى ۇپايىنان عانا ەمەس, ءوز تاريحىنداعى التىنشى چەمپيوندىعىنان دا ايىرىل­دى دەۋگە بولادى. سەبەبى «استانا» سوڭعى تۋردا ەڭ كەيىنگى بەس ماتچتىڭ ۇشەۋىندە جە­­ڭىلىپ, ەكەۋىندە تەڭ تۇسكەن قا­را­عاندىنىڭ «شاحتەرىمەن» كەزدەسەدى. ال «اق­توبە» ءوز الا­ڭىندا قولا جۇل­دەگە تالاس جۇر­گىزىپ كەلە جاتقان الما­تىنىڭ «قايراتىن» قابىل­دايدى.

«اقتوبەنىڭ» ۇپايدان شاشاۋ شىعارعانىن «استانا» كلۋبى ءتيىمدى پايدالانىپ, سىرت الاڭدا پەتروپاۆلدىڭ «قىزىلجارىن» 2:0 ەسەبىمەن تىزە بۇكتىردى. كە­زەكتى جەڭىسىنە قول جەتكىزگەن ەلور­دالىقتار, وسىلايشا, وزدەرىنىڭ جەتىنشى چەمپيوندىعىنا قاراي سەنىمدى قادام جاسادى. نەگە ەكەنى بەلگىسىز, «قىزىلجاردىڭ» باس جاتتىقتىرۋشىسى ءالي اليەۆ بۇل ويىنعا نەگىزگى قۇرامنىڭ بىرنەشە ويىنشىسىن شىعارماي, قوسالقى قۇرامدا ۇستاپ وتىردى. اتاپ اي­تار بولساق, چەمپيونات بويى «قىزىلجاردىڭ» قاقپاسىن قورعاپ كەلگەن ميروسلاۆ لوبانتسەۆ بۇل جولى الاڭعا شىققان جوق. ونىڭ ورنىن ۆاديم پەتروۆ باستى. بۇل ماتچ 22 جاستاعى پەتروۆتىڭ ەل چەمپيوناتىنداعى دەبيۋتى بولدى. سونداي-اق تاجىريبەلى قورعاۋشى يۋري بۋشمان دا قوسالقى قۇرامدا قالسا, شابۋىلشى ەلگۋدجا لوب­جانيدزە ءتىپتى ماتچتىڭ حاتتا­ماسىنا دا ەنگەن جوق.

ال «تۇران» مەن «ماقتاارال» اراسىنداعى وڭتۇستىك دەربيىندە ماقتاارالدىقتاردىڭ, ياعني چەم­پيونات دەبيۋتانتىنىڭ مەرەيى ۇستەم بولدى – 3:0. قاتارىنان التىنشى ماتچتا جەڭىسكە جەتكەن «ماقتاارال» بۇل جەڭىسىنەن كەيىن تۋرنير كەستەسىنىڭ سوڭعى ورىندارىنان توعىزىنشى سا­تىعا دەيىن ءبىر-اق جوعارىلادى. چەم­پيونات بويى كلۋبتارعا ۇپاي ۇلەستىرىپ, كوش سوڭىندا قالىپ قويعان تۇركىستان وبلىسىنىڭ كومانداسى سوڭعى تۋرلاردا بار­لىق ۇپايىن بولماسا دا, وزىنە قاجەتتىسىن قايتارىپ الدى. ءسويتىپ ەل بىرىنشىلىگىنە تۇڭعىش رەت قا­تىسىپ جاتقانىنا قاراماستان, تۋرنير كەستەسىندەگى توعىزىنشى ورنىمەن الداعى ماۋسىمدا دا پرەمەر-ليگادا وينايتىن بولدى.

وتكەن تۋردا-اق «ماقتا­ارالدان» جەڭىلىپ (1:0), باس جۇل­دەدەن دە, كۇمىس مەدالدان دا كۇدەرىن ۇزگەن بىلتىرعى ەل چەم­پيونى – «توبىل» سىرت الاڭدا «تارازدى» 2:0 ەسەبىمەن جەڭىپ, ءۇشىنشى ورنىن ساقتاپ قالدى. ويىنداعى ەكى گولدى دا كوماندا كاپيتانى اسحات تاعىبەرگەن سوقتى. ءبىر ايتا كەتەرلىگى, ۇلتتىق قۇرامانىڭ ويىنشىسى ەكى گولىن دا ايىپ سوققىسىنان سالدى.

سونداي-اق قولا جۇلدەگە تالاس جۇرگىزىپ جاتقان الماتىنىڭ «قايراتى» پاۆلوداردىڭ «اق­سۋىن» جەڭدى. «ورتالىق» ستاديون­دا وتكەن ماتچتا الاڭ يەلەرى قو­ناقتار قاقپاسىنا جاۋاپسىز ەكى گول سوقتى. «قايرات­تىڭ» برا­زيليالىق شابۋىلشىسى جواو پاۋلۋ 11 مەترلىك ايىپ دوبىن ءساتتى ورىنداسا, ماتچتىڭ اياق­تا­لۋىنا ساناۋلى مينۋتتار قال­عاندا گۇلجىگىت الىقۇلوۆ مەرگەندىگىمەن كوزگە ءتۇسىپ, ەسەپتى 2:0-گە جەتكىزدى.

ال كوش سوڭىندا كەلە جاتقان ورالدىڭ «اقجايىعى» سىرت الاڭدا «كاسپيمەن» تەڭ ويناسا (0:0), اتىراۋدا وتكەن «اتىراۋ» – «شاحتەر» ماتچىندا دا جەڭىمپاز كوماندا انىقتالمادى – 2:2,

چەمپيوناتتىڭ سوڭعى, شەشۋ­شى تۋرى 6 قاراشادا وتەدى. بۇل تۋردا «قىزىلجار» – «كاسپي», «اقجايىق» – «توبىل», «تاراز» – «تۇران», «ماقتاارال» – «وردا­باسى», «اقتوبە» – «قايرات», «اقسۋ» – «اتىراۋ» جانە «شاح­تەر» – «استانا» كلۋبتارى كەز­دەسەدى.

تۋرنير كەستەسى