قالا اكىمىنىڭ ورىنباسارى الماتىداعى شىعارماشىلىق سالالاردىڭ العاشقى اپتاسىندا سوڭعى جىلدارى اقپاراتتىق جۇيەلەردى جوبالاۋ, باعدارلامالىق قامتاماسىز ەتۋ, ۆەب-پورتالدار, مۋزىكا, كينويندۋستريا, جارناما, ماركەتينگ, ءبىلىم جانە مادەنيەت سالالارىنداعى بەلسەندىلىك بارىنشا جوعارى ءوسىم كورسەتكەنىن ايتتى.
ء«بىزدىڭ دامۋىمىزدىڭ ۆەكتورى ساۋلەت, ديزاين جانە زاماناۋي ونەر, مۋزىكا, كينو جانە انيماتسيا, ءسان جانە قولونەر, جاڭا مەديا, تسيفرلىق مادەنيەتتەر, كيبەرسپورت جانە ويىنداردى دامىتۋ سالالارىندا شوعىرلاناتىن بولادى», دەدى اكىمنىڭ ورىنباسارى.
ونىڭ ايتۋىنشا, 2021 جىلى شوب كرەاتيۆتى سالالاردان تولەگەن سالىق كولەمى 5,4 ملرد تەڭگەنى قۇراپ, 2020 جىلمەن سالىستىرعاندا 5 پايىزعا وسكەن. جۇمىس ىستەپ تۇرعان كاسىپورىنداردىڭ ەڭ جوعارى شوعىرلانۋى بوستاندىق (5862 سۋبەكت), المالى (5214) جانە مەدەۋ (3845) اۋداندارىندا, ەڭ ازى – الاتاۋ (1138) جانە ناۋرىزباي (773) اۋداندارىندا بايقالادى.
