«مۋزەيدەگى وقۋ كۇنى» جوباسىنا 5-9 سىنىپ وقۋشىلارى قاتىسادى. جوباعا كەزەڭ-كەزەڭىمەن استانانىڭ بارلىق مەكتەپتەرى قوسىلادى. قازاقستان تاريحى بويىنشا ساباقتار مۇراجايدىڭ ەكسپوزيتسيالىق زالدارىندا وتەدى. ءبىر ءدارىستىڭ ۇزاقتىعى-35-45 مينۋت. ساباقتىڭ تاقىرىبى مەن مازمۇنى وقۋ باعدارلاماسىنا تولىق سايكەس كەلەدى.
«بالالار ءبىزدىڭ تاريحىمىزدى مۇراجاي ەكسپوناتتارى ارقىلى زەرتتەيدى, بۇل بالالار ءۇشىن دە, تاربيەشىلەر ءۇشىن دە تاماشا مۇمكىندىك. بۇل فورمات مەكتەپ وقۋشىلارى ءۇشىن قىزىقتى جانە ماتەريالدى تەزىرەك يگەرۋگە مۇمكىندىك بەرەدى. عالىم-زەرتتەۋشىلەر, قر ۇلتتىق مۋزەيىنىڭ ەكسكۋرسوۆودتارى تاريح مۇعالىمدەرىمەن بىرلەسىپ گەيميفيكاتسيا ەلەمەنتتەرىن پايدالانا وتىرىپ ينتەراكتيۆتى ساباقتار وتكىزەدى», دەپ اتاپ ءوتتى قر ۇلتتىق مۋزەيىندە.
«مۋزەيدەگى وقۋ كۇنى» مادەني-ءبىلىم بەرۋ جوباسى - قر مادەنيەت جانە سپورت مينيسترلىگىنىڭ قولداۋىمەن استانا قالاسى ءبىلىم باسقارماسىنىڭ جانە قر ۇلتتىق مۋزەيىنىڭ بالالار جىلى اياسىنداعى بىرلەسكەن جوبا.
