قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 91 ملن اقش دوللارىنان 121 ملن اقش دوللارىنا دەيىن ءوستى. وسىلايشا, ساۋدا-ساتتىقتىڭ جالپى كولەمى 2,4 ملرد اقش دوللارىن قۇرادى.
كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋى وتكەن ايدا شامامەن 528,6 ملن اقش دوللارىن قۇرادى. كۆازيمەملەكەتتىك سەكتور كومپانيالارى ەكىنشى دەڭگەيلى بانكتەر ارقىلى ۆاليۋتا نارىعىندا ساتۋدى ءوز بەتىنشە جۇزەگە اسىرادى.
ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۆاليۋتا ساتۋ قازاندا 362 ملن اقش دوللارىن قۇرادى. ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 15%-ىن جانە كۇنىنە 30 ملن اقش دوللارىنان اسپايتىن مولشەردى قۇرادى.
«ۇلتتىق قوردان ۆاليۋتانى ساتۋ جونىندەگى وپەراتسيالاردى جۇزەگە اسىرۋ كەزىندە ۇلتتىق بانك نارىقتىق ترەندتى قالىپتاستىرۋعا ارالاسپاۋ قاعيداتىن ۇستانىپ, «price-taker» قالپىندا قالاتىنىن اتاپ وتكەن ءجون. وسىلايشا, ۆاليۋتا نارىعىنداعى قازىرگى جاعدايلاردى ساقتاۋ ماقساتىندا ۇلتتىق بانك ۆاليۋتانى ساتۋعا ءوز وتىنىمدەرىن بەرمەگەنمەن, نارىققا قاتىسۋشىلار بەرگەن بۇرىننان بار وتىنىمدەردى قاناعاتتاندىرادى. بۇل تاجىريبە ۇلتتىق قوردان ۆاليۋتا نارىعىنا وپەراتسيالاردىڭ تيگىزەتىن اسەرىن بارىنشا ازايتۋعا مۇمكىندىك بەرەدى», دەلىنگەن ۇلتتىق بانك حابارلاماسىندا.
قىسقا مەرزىمدى پەرسپەكتيۆادا تەڭگەنىڭ قۇبىلمالىلىعى گەوساياسي جاعدايدىڭ وزگەرۋىنە, الەمدىك نارىقتاعى احۋالعا بايلانىستى.
