ءىس-ساپار بارىسىندا ءاربىر اەا قىزمەتىنىڭ تيىمدىلىگى ەكشەلىپ, ايماقتاردى جەتىلدىرۋ ماقساتىندا زاڭنامالىق اكتىلەرگە جوسپارلانعان تۇزەتۋلەر ماسەلەلەرى جان-جاقتى تالقىلاندى.
بۇگىندە «اقتاۋ تەڭىز پورتى» اەا ماڭعىستاۋ وبلىسىنىڭ الەۋمەتتىك-ەكونوميكالىق دامۋىنا تىڭ سەرپىن بەرىپ وتىر. يندۋستريالىق دامۋ كوميتەتىنىڭ توراعاسى ءىلياس وسپانوۆتىڭ ايتۋىنشا, بۇگىنگە دەيىن ايماقتا جالپى سوماسى 120,2 ملرد تەڭگەنى قۇرايتىن 18 جوبا ىسكە اسىرىلعان. ناتيجەسىندە مىڭنان استام جۇمىس ورنى قۇرىلدى. قازىرگى ۋاقىتتا 757,775 ملرد تەڭگەگە 28 جاڭا جوبا جۇزەگە اسىرىلۋدا. بۇل 4 829 جۇمىس ورنىن اشۋعا مۇمكىندىك بەرەدى.
ال «ۇلتتىق يندۋستريالىق مۇناي-حيميا تەحنوپاركى» ارنايى ەكونوميكالىق ايماعى كومىرسۋتەك شيكىزاتىن تەرەڭ وڭدەۋ جانە قوسىلعان قۇنى جوعارى كەڭ باسەكەگە قابىلەتتى مۇناي-حيميا ونىمدەرىن شىعارۋ بويىنشا الەمدىك دەڭگەيدەگى مۇناي-حيميا وندىرىستەرىن قۇرۋ جانە دامىتۋ جونىندەگى سەرپىندى ينۆەستيتسيالىق جوبالاردى ازىرلەۋمەن جانە ىسكە اسىرۋمەن اينالىسادى.
«قازىرگى كۇنگە دەيىن 4 جوبا ءساتتى جۇزەگە اسىرىلدى. سونىمەن قاتار 13 جوبا ىسكە قوسىلۋ ساتىسىندا. ايماقتا ينتەگراتسيالانعان گاز-حيميا كەشەنىنىڭ, پلاستماسسادان وراۋ بۇيىمدارىن ءوندىرۋ مەن پوليمەردەن بۇيىمدار ءوندىرۋ زاۋىتتارىنىڭ جانە وزگە دە ءوندىرىس ورىندارىنىڭ قۇرىلىسى جۇرگىزىلۋدە», دەپ اتاپ ءوتتى يندۋستريالىق دامۋ كوميتەتىنىڭ توراعاسى.
سونداي-اق دەلەگاتسيا وكىلدەرى «اقتاۋ تەڭىز پورتى» اەا-دا بولدى. دەپۋتاتتار ءىس-ساپار قورىتىندىسى بويىنشا «ارنايى ەكونوميكالىق ايماقتاردىڭ ناقتى جاي-كۇيى جانە جۇمىس ىستەۋىنىڭ الداعى پەرسپەكتيۆالارى» تاقىرىبىندا كەڭەيتىلگەن دوڭگەلەك ۇستەل وتكىزىلەتىنىن ايتتى.
