جاڭا دەپۋتات سايلانادى

ول 2022 جىلدىڭ 12 قازانىندا ورتسايلاۋكوم قازاقستان رەس­پۋب­ليكاسى پارلامەنتى سەناتىنىڭ دەپۋتاتى اقىلبەك قاجىعۇل ۇلى كۇرىشباەۆتىڭ وكىلەتتىگىن توقتا­تۋعا اكەپ سوقتىراتىن نەگىزدىڭ پاي­دا بولۋى تۋرالى قاۋلى قابىلداعانىن ايتتى. پارلامەنت سە­ناتىنىڭ 2022 جىلعى 13 قازان­داعى قاۋلىسىمەن سەنات دەپۋ­تاتى ا.ق.كۇرىشباەۆتىڭ وكىلەت­تىگى توقتاتىلدى. سونداي-اق ول قا­زاق­ستان رەسپۋبليكاسىنداعى ساي­لاۋ تۋرالى كونستيتۋتسيالىق زاڭ­نىڭ 69 جانە 83-باپتارىنا سايكەس, ورتالىق سايلاۋ كو­ميس­سيا­سى پارلامەنت سەناتى­نىڭ دەپۋتاتىنان شىعىپ قال­عان­داردىڭ ورنىنا ولاردىڭ مەر­زىمىنەن بۇرىن توقتاتىلعان ساتى­نەن باستاپ ەكى ايدان كەشىكتىرمەي ساي­لاۋدى تا­عا­يىنداۋعا ءتيىس ەكە­نىن اتاپ ءوتتى.

بۇل رەتتە, ورتسايلاۋكومنىڭ شەشىمىمەن شىعىپ قالعان دەپۋ­تاتتىڭ ورنىنا استانا قالاسىنان قازاقستان رەسپۋبليكاسى پار­لا­مەنتى سەناتىنىڭ دەپۋتاتىن سايلاۋ 2022 جىلعى 22 جەلتوقسانعا بەكىتىلدى.

ورتسايلاۋكوم توراعاسىنىڭ ورىنباسارى كونستانتين پەتروۆ كونستيتۋتسياعا سايكەس, وتىز جاس­قا تولعان, سوڭعى ون جىلدا ەل اۋما­عىندا جانە ءتيىستى وبلىستىڭ, رەس­پۋبليكالىق ماڭى­زى بار قالانىڭ نە استانانىڭ اۋما­عىندا كەمىندە ءۇش جىل تۇراق­تى تۇرىپ جاتقان قازاقستان رەسپۋب­لي­كاسىنىڭ ازاماتى پارلامەنت سەناتىنىڭ دەپۋتاتى بولا الاتىنىن اتاپ ءوتتى. سونىمەن قاتار, كانديداتتىڭ جو­عارى ءبىلىمى جانە كەمىندە بەس جىل جۇمىس ءوتىلى بولۋى كەرەك. بەل­سەندى سايلاۋ قۇقىعىنا يە بولۋى قاجەت.