«مۇلكى تاركىلەنىپ, مەملەكەتتىك لاۋازىمداردى اتقارۋ قۇقىعىنان ءومىر بويىنا ايىرا وتىرىپ, 7 جىلعا باس بوستاندىعىنان ايىرۋ تاعايىندالسىن. مەرزىمدى وتەۋ ورتاشا قاۋىپسىزدىك مەكەمەسىندە انىقتالسىن. سونداي-اق, حامەنوۆا «قۇرمەت» وردەنىنەن ايىرىلسىن. حامەنوۆانى قاماۋدا ۇستاۋ ۋاقىتىنا قاراي جازا مەرزىمى 1,5 كۇن ءۇشىن 1 كۇن ەسەبىنەن قاماۋدا ۇستالسىن. سوتتالۋشىنىڭ كامەلەتكە تولماعان بالالارى بولۋىنا بايلانىستى جازانى ءۇش جىلعا دەيىن كەيىنگە قالدىرۋدى سۇرايمىن» دەدى پروكۋرور لاۋرا اسانوۆا.
سونداي-اق, پروكۋرور وبلىستىق مادەنيەت باسقارماسىنىڭ بۇرىنعى باسشىسى اقىلبەك رىسقاليەۆكە ورتا قاۋىپسىزدىك مەكەمەسىندە 7 جىل باس بوستاندىعىنان ايىرۋدى سۇرادى. ال, پارا بەردى دەپ كۇدىككە ىلىنگەن اداموۆقا ورتاشا قاۋىپسىزدىك مەكەمەسىندە 4 جىلعا باس بوستاندىعىنان ايىرۋ جازاسىن ۇسىندى.
ەسكە سالايىق, 2021 جىلدىڭ 10 جەلتوقساندا حامەنوۆانىڭ سىبايلاس جەمقورلىققا قاتىسى بار دەگەن كۇدىكپەن ۇستالعان ەدى. وعان اباي ەسكەرتكىشىن ورناتۋعا 145 ميلليون تەڭگەگە تەندەردەن قايتارىپ الۋ رەتىندە 4,5 ميلليون تەڭگە كولەمىندە پارا الدى دەگەن ايىپ تاعىلدى.
ال سول جىلدىڭ 23 جەلتوقسانىندا شەنەۋنىك ۇيقاماعىنان ۋاقىتشا ۇستاۋ يزولياتورىنا اۋىستىرىلدى.
