«اتامەكەن» قر ۇلتتىق كاسىپكەرلەر پالاتاسىنىڭ ساراپشىلارى ەلىمىزدەگى تۇرعىن ءۇي نارىعىنا تالداۋ جاسادى. ولاردىڭ ايتۋىنشا, قاراپايىم جالاقىسى بار قازاقستاندىقتار جاڭا عيماراتتان نەبارى 0,76 شارشى مەتردى نەمەسە قايتالاما نارىقتا 0,68 شارشى مەتردى عانا ساتىپ الا الادى. ورتاشا جالاقى - 322,9 مىڭ تەڭگە.
سونداي-اق حالىق اراسىندا يپوتەكاعا دا سۇرانىس ارتىپ كەلەدى. ۇلتتىق بانكتىڭ مالىمەتى بويىنشا, جىل باسىنان بەرى يپوتەكالىق نەسيەلەندىرۋ 1 ترلن تەڭگەگە (28,6%) وسكەن. جالپى كولەمى 4,2 ترلن تەڭگەنى قۇرادى.
«2022 جىلدىڭ 9 ايىندا يپوتەكالىق نەسيەلەندىرۋدىڭ ايتارلىقتاي ارتۋى تۇرعىن جىلجىمايتىن م ۇلىك قۇنىنىڭ, ونىڭ ىشىندە باستاپقى تۇرعىن ءۇي 10,5%-عا, قايتالاما تۇرعىن ءۇي 16,1%-عا جانە جالعا بەرىلەتىن تۇرعىن ءۇي قۇنىنىڭ 35,8%-عا وسۋىنە بايلانىستى بولدى», دەيدى ساراپشىلار.
ماماندار جالعا بەرۋ نارىعى رەسپۋبليكا تۇرعىندارى ءۇشىن دە قولجەتىمسىز بولىپ قالعانىن ايتادى.
«سونىمەن, ەگەر جىل باسىندا قازاقستاندىقتاردىڭ ورتاشا جالاقىسىنا 83 شارشى مەتر تۇرعىن ءۇي الۋعا مۇمكىن بولسا, قىركۇيەكتە بۇل كورسەتكىش 70 شارشى مەترگە دەيىن تومەندەدى», دەپ اتاپ ءوتتى ولار.
