ىنتىماقتاستىق تەرەڭدەي تۇسپەك

سىرتقى ىستەر ءمينيسترى ەرلان ىدىرىسوۆ ساۋد ارابياسى اۋىل شارۋاشىلىعى مي­­نيسترى­نىڭ ورىنباسارى ۋاليد بەن ابدۋل كاريم ءال-حاريدجي جانە مەملەكەتتىك اۋىل­شا­رۋا­­شىلىق ۇيىمىنىڭ باسشىسى حاليد بەن مۇحامماد ءال-فاحيدپەن كەزدەستى. سۇحباتتاسۋشىلار ەكىجاقتى قاتى­ناستاردىڭ قازىرگى جاعدايى مەن بولاشاعىن, ونىڭ ىشىندە ساۋدا جانە ينۆەستيتسيا, ەنەرگەتيكا جانە اۋىلشارۋاشىلىق سالالارىنداعى ىنتىماقتاستىقتى تالقىلادى. قر ءسىم باسشىسى ەكى ەل اراسىنداعى ىنتى­ماقتاستىقتىڭ وتە جوعارى دەڭگەيدە ەكەندىگىن, بۇعان ەكى مەملەكەت باسشىلارىنىڭ اراسىندا ورناعان مىقتى دوستىق جانە سەنىمگە نەگىزدەلگەن قاتىناستار سەبەپ ەكەنىن اتاپ ءوتتى. ە.ىدىرىسوۆ سۇحباتتاسۋشىلاردى قازاق­ستان­نىڭ ۋران ءوندىرۋ سالاسىنداعى الەم­دىك كوشباسشىلىعىن ەسكەرە وتىرىپ, اتوم ەنەرگەتيكاسى سالاسىندا ىقپال­­داسۋعا شاقىردى. سونىمەن قاتار, ول اراب تاراپىن قازاقستاندىق بيدايدى ساتىپ الۋ مۇمكىندىگىن قاراس­تىرۋعا جانە ەلىمىزدىڭ يننوۆاتسيالىق جوبالارىنا قاتىسۋعا شاقىردى. ساۋد ارابياسىنىڭ وكىلدەرى قازاقستانمەن جان-جاقتى ىن­تىماقتاستىقتى تەرەڭدەتە ءتۇسۋدىڭ ماڭىز­دى­لىعىن العا تارتىپ, اۋىلشارۋاشىلىق سالا­سىنداعى قاتىناستارعا ۇلكەن قىزىعۋشىلىق ءبىلدىر­دى. كەزدەسۋ سوڭىندا ە.ىدىرىسوۆ اراب مەيمان­دارىنا ساۋد ارابياسى قازاقستاننىڭ سىرتقى ساياسي باستامالارىن قولداعانى ءۇشىن, ەلىمىزدىڭ باس قالاسى – استانانىڭ كوركەيۋىنە قوسقان زور ۇلەسى ءۇشىن العىسىن ءبىلدىرىپ, باۋىرلاس ەلدىڭ حالقىنا ودان ءارى گۇلدەنۋ مەن ءال-اۋقاتتىلىق تىلەدى. «ەگەمەن-اقپارات».