مينيستر قازىر جۇمىس ىستەپ تۇرعان مەكتەپتەردەگى وقۋشى سانىن رەتتەۋ ماقساتىندا سالىنىپ جاتقان جاڭا مەكتەپتەردىڭ قۇرىلىسى مەن «جايلى مەكتەپ» ۇلتتىق جوباسى بويىنشا 2023 جىلى مەكتەپ قۇرىلىسى باستالاتىن ورىندارمەن تانىستى.
«قوسشىدا بيىلعى قىركۇيەك ايىندا 1 200 ورىندىق مەكتەپ پايدالانۋعا بەرىلدى. قازىر مۇندا تاعى ەكى جاڭا مەكتەپ سالىنىپ جاتىر. ولار 2023 جىلدىڭ جازىنا دەيىن پايدالانۋعا بەرىلەدى دەپ جوسپارلانىپ وتىر. قۇرىلىس جۇمىستارىمەن تانىستىم. مەملەكەت باسشىسى قاسىم-جومارت توقاەۆتىڭ تاپسىرماسىمەن ازىرلەنگەن «جايلى مەكتەپ» جوباسى اياسىندا كەلەسى جىلى 11 000 ورىندىق تاعى 3 مەكتەپتىڭ قۇرىلىسى باستالادى (ەكى اۋىسىم). بۇل وقۋشىلار ورنىنىڭ جەتىسپەۋشىلىگى ماسەلەسىن تولىعىمەن شەشۋگە مۇمكىندىك بەرەدى», دەپ جازادى مينيستر Facebook پاراقشاسىندا.
اسحات ايماعامبەتوۆتىڭ ايتۋىنشا, زاڭدى تۇردە مەكتەپ سالۋ جانە وعان بيۋدجەتتەن قارجى ءبولۋ اكىمدىكتەردىڭ قۇزىرىندا.
«ولاردى جوبالاۋ, قۇرىلىس مەكەمەلەرىن تاڭداۋ جۇمىستارىمەن دە جەرگىلىكتى قۇرىلىس باسقارمالارى اينالىسادى. الايدا, بۇل ماسەلەنى باقىلاۋدا ۇستاۋ ماڭىزدى», دەپ قوستى ۆەدومستۆو باسشىسى.
سونداي-اق 2023 جىلى «جايلى مەكتەپ» جوباسى اياسىندا قاجىمۇقان اۋىلىندا 1 800 ورىندىق ءبىر مەكتەپ سالۋ جوسپارلانعان.
«بۇل وقۋشى ورنىنىڭ تاپشىلىعى ماسەلەسىن تولىعىمەن شەشەدى. سونىمەن قاتار, ۇركەردەگى №69 مەكتەپ-گيمنازياسىندا دا بولدىم. وقۋ كابينەتتەرىن, پسيحولوگيالىق-پەداگوگيكالىق تۇزەتۋ, روبوتوتەحنيكا كابينەتتەرىن ارالاپ شىقتىم. مۇعالىمدەرمەن اڭگىمەلەستىم. بۇل مەكتەپتە 28 بالا ينكليۋزيۆتى ءبىلىم الادى. مەكتەپ ءۇش اۋىسىمدى. وعان جاقىن جەردەن 2023 جىلى «جايلى مەكتەپ» اياسىندا 2 000 ورىندىق جاڭا مەكتەپتىڭ قۇرىلىسى باستالادى», دەپ جازدى مينيستر.
