وسى ءىس-شاراعا باتىس قازاقستان وبلىسىنىڭ اكىمى عالي ەسقاليەۆ, قازاقستان رەسپۋبليكاسى عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ, ۋفا ۋنيۆەرسيتەتىنىڭ رەكتورى ولەگ باۋلين مەن پرورەكتورى نايل چانىشەۆ, جاڭگىر حان ۋنيۆەرسيتەتىنىڭ باسقارما توراعاسى-رەكتور اسقار نءامەتوۆ جانە سەرىكتەس كومپانيالاردىڭ باسشىلارى قاتىستى.
ۋنيۆەرسيتەت وكىلدىگىنىڭ تۇساۋكەسەر شاراسىنا باشقۇرتستان رەسپۋبليكاسى باسشىسىنىڭ اكىمشىلىك جەتەكشىسى ماكسيم زابەلين, عىلىم,ءبىلىم جانە مادەنيەت بويىنا فەدەراتسيا كەڭەسى كوميتەتىنىڭ ءتورايىمى ليليا گۋمەروۆا, ءبىلىم جانە عىلىم ءمينيسترىنىڭ ءبىرىنشى ورىنباسارى يلدار ماۆلەتبەردين ونلاين جالعانىپ, قوس ۋنيۆەرسيتەتتىڭ اراسىنداعى ارىپتەستىك بايلانىستىڭ كەڭەيۋىمەن قۇتتىقتادى.
– مەملەكەت باسشىسى قاسىم-جومارت توقاەۆ 2025 جىلعا دەيىن قازاقستاندا شەتەلدىك جەتەكشى جوعارى وقۋ ورىندارىنىڭ فيليالدارىن اشۋ جونىندە تاپسىرما بەرگەن بولاتىن. بۇگىنگى شارا – وسى باعىتتا جاسالعان العاشقى قادام. بۇل ەكى ءبىلىم ورداسىنىڭ عانا ەمەس, باۋىرلاس ەلدەردىڭ عىلىم, جوعارى ءبىلىم سالاسىنداعى ارىپتەستىگىنىڭ نىعايعانىن كورسەتەدى, - دەدى ءوز سوزىندە قازاقستاندىق ۆيتسە-مينيستر قۋانىش اسىلحان ۇلى.
- بءىز بءىر جىل بۇرىن عانا باشقۇرتستان ەلىندە بولىپ, بىرنەشە باعىت بويىنشا ورتاق كەلىسىمگە كەلگەن ەدىك. سونىڭ ءبىرى – جوعارى ءبىلىم بەرۋ سالاسىنداعى ارىپتەستىك بولاتىن. مىنە, ءبىر جىل ىشىندە وسىنداي ناتيجەگە قول جەتكىزىپ وتىرعانىمىز قۋانتادى. شەتەلدىك ءبىلىمدى «ۇيدە» وتىرىپ الۋ – وتە ءتيىمدى شەشىم. سونىڭ ىشىندە مۇناي-گاز سەكتورى – ماڭىزدى سالا. بۇل باستاما كەيىننەن قۇزىرلى مينيسترلىكتىڭ قولداۋىمەن فيليال اشۋعا ۇلاسىپ جاتسا, نۇر ۇستىنە نۇر بولار ەدى, – دەدى باتىس قازاقستان وبلىسىنىڭ اكىمى عالي ەسقاليەۆ.
وسى جيىندا جاڭگىر حان ۋنيۆەرسيتەتى مەن ۋفا ۋنيۆەرسيتەتىنىڭ رەكتورلارى وكىلدىكتىڭ اشىلۋى جونىندەگى كەلىسىمگە قول قويدى. بۇدان كەيىن قوناقتار عالىمداردىڭ وندىرىسكە ەنگىزۋگە دايىن عىلىمي جۇمىستارى قويىلعان «عىلىم – ايماقتىڭ ەكونوميكاسى ءۇشىن» اتتى كورمەمەن جانە Erasmus+ جوباسى بويىنشا «قازاقستانداعى يندۋستريالدى اۆتوماتيكا جانە روبوتوتەحنيكا بويىنشا قوسارلى ءبىلىم بەرۋ (DIARKAZ)» جوباسى اياسىندا اشىلعان روبوتوتەحنيكا زەرتحاناسىنىڭ جۇمىسىمەن تانىستى.
باتىس قازاقستان وبلىسى
