كونفەرەنتسياعا ەۋروپا جانە ورتالىق ازيا قۇقىق قورعاۋ ورگاندارىنىڭ وكىلدەرى, سونداي-اق ەۋروپا كەڭەسىنىڭ ساراپشىلارى قاتىستى.
اگەنتتىك توراعاسىنىڭ ورىنباسارى اسحات جۇماعالي ءوز سوزىندە اكتيۆتەردى قايتارۋ ماسەلەسى مەملەكەت باسشىسىنىڭ ەرەكشە باقىلاۋىندا ەكەنىن, ونىڭ تاپسىرماسى بويىنشا وسى جىلدىڭ 5 ماۋسىمىندا ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيا قۇرىلعانىن اتاپ ءوتتى.
كونفەرەنتسياعا قاتىسۋشىلار اكتيۆتەردى قايتارۋدىڭ وڭ تاجىريبەسىمەن ءبولىسىپ, پراكتيكالىق ماسەلەلەر مەن ءتيىستى قۇقىقتىق بازانى تالقىلادى. نەگىزگى نازار شيەلەنىستى ماسەلەلەرگە جانە ولاردى قالاي شەشۋگە باعىتتالدى.
اكتيۆتەردى قايتارۋ بويىنشا سىبايلاس جەمقورلىققا قارسى قىزمەت ءوز كوزقاراسىن ءبىلدىرىپ, ونىڭ قۇرامىندا قارجىلىق تەرگەۋ, اكتيۆتەردى ىزدەۋ جانە قايتارۋ باسقارماسى قۇرىلدى.
ارنايى قۇرىلعان بولىمشەنىڭ قىزمەتى جەكە جانە زاڭدى تۇلعالاردى زاڭسىز بايىتۋ فاكتىلەرىن, اقشا مەن باسقا دا قۇندىلىقتاردى الۋ كوزدەرىن, م ۇلىكتىڭ, ونىڭ ىشىندە تىيىم سالىنعان م ۇلىكتىڭ ناقتى تيەسىلىگىن, سونداي-اق ولاردىڭ قۇقىققا قارسى قۇرالدارعا قاتىستىلىعىن انىقتاۋعا باعىتتالعان.
بيىل اگەنتتىك قابىلداعان شارالارمەن جالپى سوماسى 500 ملرد تەڭگەگە جۋىق اكتيۆتەردى مەملەكەتكە قايتارۋ قامتاماسىز ەتىلدى. بۇل باعىتتاعى جۇمىستار جالعاسۋدا.
وسىعان بايلانىستى, قارجىلىق مونيتورينگ اگەنتتىگىنىڭ قارجىلىق بارلاۋ بولىمشەسىمەن, قازاقستاننىڭ باس پروكۋراتۋراسىمەن تىعىز ءوزارا ءىس-قيمىل جولعا قويىلىپ, «ەگمونت», «كارين», «ارين», «OSINT», باسقا دا رەسمي جانە بەيرەسمي بايلانىس ارنالارىنىڭ مۇمكىندىكتەرى پايدالانىلۋدا.
ەكى كۇندىك كونفەرەنتسيا بارىسىندا ءىس-شاراعا قاتىسۋشىلار تاركىلەنگەن اكتيۆتەردى تىكەلەي قايتارۋعا مۇمكىندىك بەرەتىن قۇقىقتىق ينستيتۋتسيونالدىق نەگىزدەردى ازىرلەۋ, ءارتۇرلى يۋريسديكتسيالارداعى قاتىرۋ جانە الۋ پراكتيكاسى, اكتيۆتەردى قايتارۋ ماسەلەلەرى, سونداي-اق اقپارات الماسۋدىڭ رەسمي جانە بەيرەسمي جەلىلەرىن پايدالانۋ ماسەلەلەرىن تالقىلادى.
