سونداي-اق ول قىزمەتكەرلەردىڭ سۇراقتارىنا جاۋاپ بەردى. مەتاللۋرگتەردىڭ كوپشىلىگى زياندى ءوندىرىس ورنىندا جۇمىس ىستەيتىندىكتەن, ەرتە زەينەتكە شىعۋ ماسەلەسىن كوتەرىپ, «قاۋىپتى كەستە» ۇعىمىن قايتارۋ قاجەتتىگىن اتاپ ءوتتى. كەزدەسۋ سوڭىندا زاۋىت قىزمەتكەرلەرى سايلاۋالدى دودادا ساتتىلىك تىلەپ, كانديداتقا جۇمىسشىلار كاسىپوداقتارى بىرلىگىنىڭ بەلگىسى رەتىندە كاسكانى تابىس ەتتى.
مەتاللۋرگتەرمەن كەزدەسۋدەن كەيىن كانديدات مەيرام قاجىكەن «ادال ەڭبەك KZ» جشس-نا باردى. بۇل كومپانيا «قازاقمىس» كورپوراتسياسىنىڭ باستاماسىمەن كاسىپورىنداردا ەڭبەك جاراقاتىن العان ادامداردى جۇمىسقا ورنالاستىرۋ ماقساتىندا قۇرىلعان ۇيىم. كەزدەسۋ بارىسىندا ۇمىتكەر كومپانيا باسشىلىعىمەن جانە بەلسەندىلەرىمەن تانىستى. مۇندا قىزمەتكەرلەر ەرەكشە قاجەتتىلىكتەرى بار ادامداردى الەۋمەتتىك قورعاۋ ماسەلەسىنە دەن قويدى.
ەستەرىڭىزگە سالساق, جەزقازعان مىس بالقىتۋ زاۋىتى 1971 جىلى اقپاندا پايدالانۋعا بەرىلدى. زاۋىتتىڭ جوبالىق قۋاتى – جىلىنا 200 مىڭ توننا كاتودتى مىس وندىرەدى. ال «ادال ەڭبەك KZ» جشس 2015 جىلى جەزقازعان قالاسىندا كومپانيا كاسىپورىندارىندا ەڭبەك جاراقاتىن العان ادامداردى جۇمىسقا ورنالاستىرۋ ماقساتىندا قۇرىلعانىن اتاپ وتكەن ءجون.
