وبلىستىڭ اقساقالدارىمەن جانە شىعارماشىلىق زيالى قاۋىم وكىلدەرىمەن كەزدەسۋدە شتاب مۇشەلەرى قاسىم-جومارت توقاەۆتىڭ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» سايلاۋالدى باعدارلاماسىندا قامتىلعان ماسەلەلەر كەڭىنەن تالقىلاندى. اسىرەسە مادەنيەتتى دامىتۋعا, مەملەكەتتىك ءتىلدى قولداۋعا, تاريحي-مادەني ەسكەرتكىشتەردى قالپىنا كەلتىرۋگە ايرىقشا ءمان بەرىلدى.
بۇدان سوڭ, اباي وبلىسىنىڭ جۇرتشىلىعىمەن وڭىرلەردى دامىتۋ, ەڭ الدىمەن, اۋىلداردا جايلى ءومىر سۇرۋگە جاعداي جاساۋ بويىنشا كانديدات ۇسىنعان شارالار تالقىلاندى. ەرلان قوشانوۆ حالقىمىز ادىلەتتى قازاقستان قۇرۋ يدەياسىنىڭ توڭىرەگىندە توپتاسۋعا ءتيىس ەكەنىن اتاپ ءوتتى. «پرەزيدەنتتىڭ ساياساتى مەن ءىس-قيمىلى, ءبىرىنشى كەزەكتە, مەملەكەت مۇددەسىن قورعاپ, ەل تاۋەلسىزدىگى مەن قاۋىپسىزدىگىن قامتاماسىز ەتۋدى كوزدەيدى. حالىقتىڭ قالاۋى دا وسى. ءبىر سوزبەن ايتقاندا, ەل مۇددەسى دە, ەر مۇددەسى دە ءبىر جەردەن شىعىپ وتىر», دەدى ول.
ءا.بوكەيحان اتىنداعى ۋنيۆەرسيتەتتە جاستارمەن كەزدەسۋ ءوتتى. جيىندا شتاب مۇشەلەرى كانديدات باعدارلاماسىنداعى جاستارعا قاتىستى ءىس-شارالاردىڭ بارلىعى جۇيەلى تۇردە جۇزەگە اساتىنىن اتاپ ءوتتى.
